James Corden、湯唯上Pitera Masterclass一拍即合 傳授無國界神仙水使用心得！
護膚原來都可以無國界！新一輯SK-II Pitera Masterclass就將神仙水忠粉 湯唯同入門級護膚學徒James Corden拉埋一齊，互相傳授使用神仙水嘅心得！估唔到佢哋第一次見面就出奇地咁有默契兼笑料百出，美編真係忍唔住睇一次笑一次呀！
（Presented By SK-II）
James同湯唯Battle ！用神仙水擺出破格超模Pose
雖然James只係入門級神仙水用家，但以搞笑而紅遍半邊天亦非浪得虛名，直接挑戰SK-II資深品牌大使兼忠實用家湯唯用神仙水擺出破格搞怪pose！片中James直指女神擺出嘅pose太一成不變，便教授湯唯擺出變化多樣嘅動作，姿勢有趣新奇，絕對拍得住超模水準！不過最吸引美編嘅始終都係女神臉上散發自信又美麗嘅光芒，肌膚散發水潤光澤，展現神仙水嘅功效及威力！睇下James點樣教導女神擺Pose先。
#More
拍幾拍就夠！湯唯以大師級姿態示範正宗神仙水「拍拍」技巧
大擺超模Pose後，James呢位護膚學徒越級向觀眾示範神仙水使用方法，雖然笑匠擁有強勁節奏感，但方法好似唔係太正宗喎，唯有等神仙水忠粉湯唯出手－以大師級姿態即場示範真正嘅SK-II神仙水「拍拍」護膚技巧！
神仙水使用方法相當簡單，只要將少量神仙水倒進手掌心，再輕拍上肌膚，讓Pitera™慢慢滲透入肌膚，完成！令護膚步驟變得更為簡單。唔信？有請湯唯親身示範專屬神仙水嘅「拍拍」護膚技巧 ~
全賴Pitera™！護膚初哥及資深用家皆一試愛上SK-II神仙水
女生們隨著歲月嘅洗禮，肌膚質素大多每況愈下，但紅星湯唯係大螢幕上曝光多年依然Keep住年輕，肌膚晶瑩剔透更盡顯水潤，而女神嘅完美肌全靠SK-II神仙水幫助，唔怪得吸引到James都加入Die Hard Fans行列啦！美編再深入研究，發現原來神仙水背後嘅秘密全自於SK-II專屬護膚成分Pitera™！三十幾年前，SK-II科學家意外發現清酒釀造師雖然年紀老邁，但擁有幼嫩雙手，而呢個經歷更觸發科學家們對於釀酒時產生嘅重要成分酵母作深入研究，經過一連串嚴謹研究後，科學家們從當時存在350種酵母中提取一種再加以提煉，最後促成Pitera™嘅誕生，成為製作神仙水重要成分。
Pitera™係天然護膚成分，蘊含豐富維他命、氨基酸、礦物質等，有助改善肌膚代謝過程，讓肌膚再生，同時有效保持肌膚維持於透亮細滑狀態，難怪神仙水多年以來喺護膚界仍然屹立不倒！
全方位護膚！SK-II神仙水絕對是盛夏必備護膚單品
女生們一向有唔同肌膚問題，尤其正值更天氣悶熱嘅夏天，皮膚容易因溫度上升，處於唔穩定狀態，例如會出現過度泛油及缺水情況，從而令肌膚變得粗糙暗啞。呢個時候一支SK-II神仙水就可以全面解決大家對於肌膚嘅煩惱！神仙水提供即時保濕，同時加強肌膚健康屏障，有效令膚質變得穩定。使用一段時間後，更會大大提升皮膚光澤感，令肌膚Keep住水潤飽滿，連顯老嘅細紋同毛孔問題都有明顯改善而延長肌膚保鮮期！今個夏天就由SK-II神仙水陪住你啦！
