向閨密傳達愛嘅力量！Elizabeth Arden周年限量版8小時潤澤系列帶來全面呵護

Dec 27 2018

閨密間總會互訴心事、互相鼓勵，開心唔開心都會一齊過。就嚟踏入新一年，想向閨密表達愛意又唔知送咩好？不如好似阿雪咁，喺好朋友Vivi需要呵護嘅時候，為對方帶來正能量之餘，同時送上自己平時最鍾意用嘅Elizabeth Arden 8小時潤澤霜，加上周年限量版愛心包裝，由內到外都為閨密帶來全面呵護！

(Presented by Elizabeth Arden)

阿雪同Vivi嘅閨密之路

究竟阿雪同Vivi點解會成為閨密？原來二人喺一次工作嘅時候認識，當時阿雪見Vivi咁靚女，仲諗佢會好難相處，點知一傾之下，發現原來佢哋係同一類人，都係咁玩得，所以好快就一拍即合！直到Vivi突然放棄工作隻身到藍帶廚藝學校追夢，以為自己好堅強，但思鄉病嚴重發作嘅時候，阿雪突然寄來一盒月餅，令Vivi立即感動爆喊。今次阿雪又趁年尾為Vivi送上鼓勵，為Vivi揀咗自己成日用嘅Elizabeth Arden 8小時潤澤霜，而且潤澤霜踏入88周年，仲同壁畫家James Goldcrown聯乘，推出結合愛與修護嘅「LOVE HEALS x EIGHT HOUR®愛的修護」限量版系列，滿布心心圖案嘅包裝，阿雪話Vivi用緊嘅時候就好似自己呵緊佢咁，好sweet！

美容界歷史悠久嘅萬用霜！

點解阿雪會揀8小時潤澤霜？原來呢支潤澤霜從1930年品牌創辦人雅頓女士親自研發至今獲獎無數，創造出8小時就可以修護擦傷膝蓋嘅美容界神話。佢對肌膚、頭髮同嘴唇都有強大紓緩鎮靜效果，所以已經成為好多美容編輯、化妝師同明星鍾意用嘅萬用霜。呢支潤澤霜嘅用法多多，可以紓緩敏感、乾裂肌膚問題、打造光澤、修護髮絲、喺機艙加強保濕、修復指甲角質層、呵護雙腳、護理曬後肌膚、修飾理想眉形等，總之有一支傍身，日常使用或出門都唔使怕，難怪阿雪會揀佢送畀Vivi！

踏入第88周年換上全新包裝！

而且最近呢支潤澤霜踏入88周年，仲換上靚靚包裝，同壁畫家James Goldcrown（@jgoldcrown）聯乘合作，喺包裝上加咗好多七彩繽紛嘅心心，名副其實係充滿愛嘅修護！壁畫家James Goldcrown一直都熱衷於繪畫色彩絢麗嘅壁畫，亦希望透過藝術將希望同正能量散發開去。咁有意義，送畀閨密用就最啱！

（左）8小時潤澤霜（Love Heals x Eight Hour® Collection – 愛的修護限量版）HK$190
（右）8小時滋潤護唇膏 SPF15（Love Heals x Eight Hour® Collection — 愛的修護限量版）HK$145