革命性經典延續！Elizabeth Arden全新 抗皺膠囊 令皮膚回復年輕！
每逢轉季，小編啲肌膚問題就好容易出晒嚟，細紋、毛孔、膚色暗啞、乾燥等等無一幸免，呢個時候，小編最鍾意用膠囊精華急救，貪佢一次一粒，份量剛好，而且保證新鮮！要講到膠囊始祖，又點可以唔提Elizabeth Arden！佢哋1990年開始已經推出黃金導航膠囊，喺全球坐擁領導地位超過25年，仲獲得超過46個獎！最近佢哋仲推出革新版RETINOL黃金導航夜間 抗皺膠囊 ，試用後立刻成為我近日大愛！
(Presented by Elizabeth Arden)
全新 抗皺膠囊 的秘密！最強抗皺保濕拍檔：RETINOL + CERAMIDE
今次嘅全新黃金導航夜間抗皺膠囊以玫瑰金為主打色調，單是外形已經相當吸引，而且佢內裡仲結合咗RETINOL維他命A醇同Ceramide：RETINOL維他命A醇可以鞏固皮膚入面嘅天然膠原蛋白，增強對抗同撫平皺紋嘅效果；同時Ceramide仲可以加強鎖水同保濕效果，令皮膚可築起修復屏障。兩者結合，就可以有助令皺紋同幼紋明顯減少，同時改善皮膚紋理、膚色同肌膚透明度，皮膚望落自然更年輕！
質感輕盈保濕！由年輕開始努力抗衰老
唔好以為抗皺緊致嘅精華就一定會好笠，相反呢隻全新精華嘅質感好輕盈水潤，好快就畀皮膚吸收晒，唔會對皮膚造成負擔！亦適合年輕嘅妳預防歲月問題，佢唔單止可以幫助減淡皺紋、細紋、收細毛孔，仲可以均勻膚色，改善膚質，趁年輕開始好好保養，令皮膚Keep住健康年輕、時刻容光煥發！
晚間必備！一次一粒源源緊致修護
膠囊精華每次用一粒，輕輕扭動頭部兩次就可以打開膠囊，確保新鮮，夜晚洗面後塗抹精華，再塗上保濕霜就可以！內𥚃嘅精華會喺夜間重點撫平皺紋、回復緊致。用完之後第二日起身，皮膚真係明顯飲飽水，而且更加緊致，望落都精神啲！
