退紅減敏感不適 美編實測日本熱賣乾燥敏感肌好物
「又紅又痕，真係好難忍受！」每逢轉季，美編肌膚就會有呢啲狀況。尤其入秋，天氣非常乾燥，加上空氣污染、生活壓力等外來刺激，都會引致肌膚自我防禦能力變差，水分流失更快更多，令肌膚乾燥敏感情況更嚴重。所以，最近試用咗日本No.1敏感肌膚護理品牌Curél深層高效保濕系列*，可以4星期有效改善乾燥敏感**，一於等美編親身實測一下啦！
（Presented By Curél）
每逢轉季 肌膚飽受乾燥敏感困擾
無論面部或身體，一到轉季肌膚出現就乾燥敏感，有時仲會紅腫到一撻撻，而且仲會痕到忍唔住𢯎，有時情況嚴重嘅話仲會瞓得唔好，影響埋心情添！之前試過多款巿面上不同嘅敏感肌膚系列產品，效果唔太理想。
親身實證紓緩敏感 回復水潤感
Curél嘅產品一向好受敏感膚質Sis歡迎，口碑好好。初次搽上Curél深層高效保濕面霜，已經有即時退紅紓敏效果。產品說明更建議持續使用4星期，乾燥敏感狀況可以得到改善**，於是美編乖乖照足使用4星期，乾燥敏感情況真的得到超明顯改善，令人困擾嘅脫皮、泛紅、痕癢等問題唔再出現，皮膚狀態變得穩定，回復水潤幼滑感，非常開心！美編常常自稱內置「肌膚轉季警報器」，今次終於可以擺脫呢個困擾啦！
保濕噴霧乳霜般滋潤 隨時隨地一噴滋潤全身
除咗面部外，身體肌膚都唔好忽視，所以用埋同系列嘅深層高效保濕噴霧嚟取替一般身體潤膚乳。尤其天氣乾燥，皮膚好易痕癢，美編沖完涼就會用呢支保濕噴霧滋潤全身，就算難觸及到嘅背部，又或較大面積嘅腿部等位置，只要輕輕一噴就滋潤得到。
而平時外出或返工趕時間，化妝前會用呢支保濕噴霧作打底保濕面霜，令妝容更貼服自然，再喺出門前噴一噴手臂同腿部，又可以出門口，相當慳時間。即使喺辦公室，想輕鬆又快捷咁滋潤一下肌膚？無問題，快捷噴一噴，搞掂！呢支保濕噴霧絕對係為我哋呢啲想偷懶又貪靚嘅女生而設呀！
專為乾燥敏感肌膚而設
Curél產品專為乾燥性敏感肌膚而設，無香料、無酒精嘅溫和配方，再配合「潤浸保濕Ceramide功能成分」及桉樹精華能深入滲透至角質層可以提升肌膚自我防禦能力，加強抗禦外來刺激，連日本皮膚科醫生都推薦。
睇完呢篇介紹係咪好想試呢？美編用完後，感覺肌膚重拾健康柔韌嘅穩健狀態，絕對係秋冬必備好物，真心推介大家入手，好好呵護肌膚啦！
*根據 INTAGE SRI 2015 年 1 月至 2019 年 12 月日本敏感肌膚護理產品市場累 計銷售金額
**2008 年 11 月至 12 月 Curél 臨床測試(N=40)
