今個聖誕到belif X VDL期間限定冰屋塑造獨一無二肌底護理同彩妝效果！

Dec 12 2018

今年想過一個白色聖誕？不妨到belif X VDL期間限定冰屋，有得打卡又有得扮靚！期間限定冰屋主要分為兩部分，分別係圓拱外形嘅belif區域，同線條利落嘅型格VDL區域。進入冰屋之前，大家可以透過「UNIQUE ME 」互動遊戲，先影返張靚相，再利用電腦程式掃瞄分析屬於自己嘅專屬色系、風格，然後根據結果塑造出最適合你嘅肌底護理同彩妝效果，真正由護膚到化妝幫你全面tailor made！

(Presented by belif, VDL)

天然補濕belif專區：轉季全面加強補濕！

做風格分析後，首先入到嚟天然補濕嘅belif專區，可以見到現場中央擺放咗巨形斗篷草皇牌高效水分炸彈霜，補濕力好強，絕對係轉季乾燥肌嘅救星！大家仲可以即場試到今年十二月新推出，針對成熟肌嘅雪松淨肌毛孔緊緻炸彈精華同雪松逆齡抗皺炸彈霜，當中嘅雪松醇精華可以促進肌膚膠原蛋白合成同彈性蛋白雙重合成，幫你改善皺紋問題同時提升彈性！現場仲有「Bomb Match」遊戲專區，等你可以透過遊戲了解肌膚缺水問題，幫皮膚回復水潤細緻。

型格幻化VDL彩妝區：打造專屬聖誕妝容

做好護膚後當然唔少得化個靚妝！想知咩色最適合自己？就要行過去另一邊嘅VDL彩妝區！現場有一對一化妝專區，化妝師仲會提供專業意見，幫你打造專屬嘅UNIQUE ME妝容。大家仲可以試到聖誕限量、以金色為主嘅Holiday Collection系列，等你今年聖誕可以閃住搶鏡！最後當然不得不提VDL韓國銷量最高嘅妝前乳，今次喺POP-UP STORE更被放大到好似人咁高，加埋幻彩背景，又係時候打卡！臨走前大家仲可以參加「Neon Light Workshop」，做返個獨一無二嘅霓虹燈擺設，自用送禮都好靚！