美編敷Mask秘技：聽「肌膚」話！愛上日本BEAUCLAIR塗抹面膜
敷Mask對美編Claudia嚟講，可謂身經百戰，個人心得係做個乖寶寶，由「肌膚自決」：即係視乎肌膚當時嘅需要，去決定用咩Mask、敷邊個部位！最近好姊妹推介美編用日本人氣品牌BEAUCLAIR嘅皇牌酒粕透白肌面膜，其實一直都想試，因為喺日本熱賣，連萬寧都數度斷巿，個個用過都讚。今次終於有機會親身試用，仲試埋新出嘅「小布丁面膜淨、亮潤系列」，完全符合美編嘅「肌膚自決」要求，一齊睇效果有幾好啦！
（Presented By BEAUCLAIR）
美編敷Mask心得
一切由肌膚自決
咪睇塊面範圍細細，其實唔同天氣、唔同部位嘅需要都唔同！好似「T 字位」需要控油去角質，兩邊面頰就最需要保濕潤修，仲有下巴就要深層清潔，而針對「糖化肌」就要美白同提亮膚色！所以，美編一向由「肌膚自決」去敷唔同嘅Mask。BEAUCLAIR一系列塗抹面膜就啱晒，唔單止可以因應肌膚狀態而去配搭，仲有無論咩刁鑽或微細地方都Cover到，敷埋頸及腮位都無問題，超慳時間！
日本BEAUCLAIR酒粕透白肌面膜
3重發酵神效! 女星至愛白滑零毛孔秘技
先試BEAUCLAIR皇牌酒粕透白肌面膜，敷完下巴位，完全被佢3重發酵淨白能力吸引住，令美編即刻成為酒粕透白肌面膜嘅粉絲！以往用過好多款去黃美白Mask，總覺得效果唔持久又易乾，但呢款酒粕面膜就唔同啦，當中嘅「3重發酵」成分，包括︰日本著名釀造廠金賞酒粕、大米發酵液及酵母，可以先清除表層角質，再以8大氨基酸激活底層去黃淨白， 同時促進細胞循環更生，軟化及打開毛孔，並迫出頑固粉刺污垢，真正由底層白出嚟，仲可以同時潔淨肌膚、細緻毛孔、明顯改善膚色不均勻，完全做到肌底肌面同時美白，效果超讚！唔怪得已經賣出超過1千萬盒*！
*根據日本H&B Lab株式會社2016年5月-2019年11月內部銷量統計
原來好多女星都係酒粕透白肌面膜嘅粉絲，絕對係星級白亮秘技！
Claire仲拍片親身分享，即刻睇
日本BEAUCLAIR小布丁系列面膜
抹出鮮活淨•亮•潤
美編個人試用完就好鍾意呢個「小布丁面膜系列」，呢兩款萬寧新登場嘅小布丁，外型嬌小，但效果、包裝一樣驚喜！
最難得係佢以最天然護膚元素為基礎，好多時肌膚面對外界污染及過度保養，累積不少壓力，好似「食滯咗」一樣，失去生氣活力。「小布丁面膜系列」就係俾肌膚抖抖氣，只提供最需要嘅養份俾皮膚， 完全就係「肌膚自決」，加上獨立包裝每次用一粒，即開即用，保證成分新鮮，夠衛生，唔擔心長Keep至失效，唔會浪費！
簡約成分配方
來自大自然護膚力量
美編先敷綠色嘅「3 重淨化小布丁」面膜，T字位變得非常乾淨，毛孔更細緻，全靠面膜來自大地嘅成分：日本深海棚倉黏土、高嶺土 及 膨潤土，分別針對油脂、污染物、 毒素，深入毛孔 3 重淨化，配合埋花萃精萃及透明質酸則同時保濕舒緩，敷完後好爽好舒服，唔會有傳統泥Mask嘅繃緊感。
而2邊面頰美編就用咗紅色「亮潤肌療小布丁」，一打開原來有2款唔同功效嘅Mask：煥顏亮白小布丁 、晚間潤修小布丁！
「煥顏亮白小布丁」匯集 7 種花萃，其中光果甘草仲有「美白黃金」美譽，強效袪印淡斑，美白提亮，特別針對糖化黃倦肌，擊退暗沉黃氣，均勻膚色，敷完肌膚通透度提升唔少，好自然亮白，真心Like！
「晚間潤修小布丁」就內含十多種花萃精華及精油，以及多種維他命活膚元素，好似 B5 及 B12，當中最特別嘅係花萃而成嘅抗老微粒，針對氧化受損肌，撫紋收緊，擊退初老！俾個Tips大家: 完成所有護膚程序後，撕開包裝將面膜塗抹全面和頸，輕輕按摩肌膚幫助吸收精華，咁就可以整晚修復抗氧化！啫喱狀質地好清爽，滋潤得嚟唔會黏笠。 一覺瞓醒，皮膚猶如重生一樣，超細緻幼滑！
BEAUCLAIR塗抹面膜系列啱晒皮膚要求，你話點可以唔入手呢！而家萬寧仲做緊折上折，買BEAUCLAIR塗抹面膜系列2件就有額外75折，真心抵呀！優惠做到2月4日咋！入手要快！
講咗咁耐，有圖有真相，敷大約10 分鐘就可以清洗，大家睇下效果啦！
