11位女星短髮髮型大盤點！陳自瑤短髮現少女味、鄧佩儀獲封「短髮女神」

原文刊登於：東方新地｜圖片來源：東方新地、藝人Instagram

黃翠如剪去17年長髮

入行17年，黃翠如留足17年長髮，曾為無綫劇《七公主》轉個全新造型，剪一頭短髮變身大律師，為觀眾帶來新鮮感！

頭髮陳自瑤少女味返晒嚟

2011年11月11日婚禮前夕，王浩信被爆偷食𡃁模Cammi，王浩信同陳自瑤呢一對年年傳婚變，第九年結婚紀念亦唔見有任何慶祝活動，YoYo更剪去一頭長髮晒新造型，少女味即時返晒嚟！

李佳芯bob頭造型有新鮮感

新劇《智能愛(AI)人》開機，Ali李佳芯都有個全新假髮造型，由於扮演嘅係機器人，所以頭髮都唔使真剪，笠個bob頭假髮假假哋效果更佳。

鄧佩儀剪短髮後零追求者

2018年為劇集《幕後玩家》角色剪短髮，鄧佩儀被大讚同陳慧琳有幾分相似，更獲封「短髮女神」！之後佢的起心肝留返長髮，皆因佢話剪短髮後一直零追求者，但留長髮後就追求者不斷。鄧佩儀之後為《逆襲人生》再次剪短頭髮。

姚子羚短髮又型又硬朗

在劇集《拳王》中，姚子羚飾演拳壇女強人，仲要有個好 Man嘅名叫「雷堅」，當然都要配合番個角色剪番個又型又硬朗嘅短髮。

鍾嘉欣為劇集作出犧牲

出道多年，鍾嘉欣一直都 keep住女神式長髮形象（唔計《老友狗狗》笠假髮），做咗媽媽後事隔四年再次主演電視劇，久違了的 Linda為咗劇集《兒科醫生》中嘅角色，作出犧牲剪咗一頭清爽短髮。

胡定欣英氣又專業

胡定欣在《白色強人II》飾演腫瘤科醫生葉晴，為咗配合英氣又專業全新角色，隆重其事剪埋個新髮型。

高海寧短髮麻甩貨車司機

無綫劇集《 七公主 》集齊七個花旦同小花演出，大公主翠如同二公主高海寧都係為角色剪短頭髮。高 Ling 喺劇中飾演麻甩貨車司機，嘗試唔 sell 樣唔賣身材。

陳靜大膽剪去一頭長髮

08年出道時以純情面孔魔鬼身材打響名堂，經過12年歲月洗禮和磨練，DaDa陳靜更有個性更具內涵。曾大膽剪去一頭長髮，話一向為配合角色至留長髮，呢個先係真正嘅自己！

劉穎鏇健康爽朗又sporty

當選港姐後一直以長髮示人，劉穎鏇曾突然話「係時候改變」，轉新形象將頭髮剪到及肩。其實形象一直健康爽朗又sporty，短髮仲襯佢啦！

鄭融運動型小野貓個性

鄭融早幾年夏天曾突然剪去長髮，襯晒佢個運動型小野貓個性，對於對慣廿年長髮嘅歌迷嚟講，亦夠晒新鮮感。