點敷先至啱？敷mask的謬誤與方法

（Presented by Dr. Morita）

1. 幾耐可以敷一次mask？

唔係每款mask都適合每日敷，決定幾耐敷一次，取決於mask嘅類型和成分。例如對皮膚較有刺激性的美白或清潔mask，一星期敷兩至三次已經足夠；而保濕mask就可以敷得密啲。記住將唔同功效嘅mask交替敷，避免同一款mask敷得太密，否則會為肌膚造成負擔。

2. 洗完面之後可以直接敷mask？

做完成日嘢返到屋企，的確係想9秒9沖涼、護膚、瞓覺。但其實只要你加多少少耐性，就可以有更完美嘅護膚效果：洗完面之後，照樣搽爽膚水、精華液，等肌膚完全吸收後再敷mask，咁就可以幫肌膚鎖住營養！

3. Mask應該放喺雪櫃？

夏天將mask放喺雪櫃，敷嘅時候的確好爽，仲可以有鎮靜紓緩嘅作用，但呢種做法只適用於有維他命C或蘆薈成分嘅mask，其他mask放喺陰涼地方就ok。

4. 選擇適合自己的mask

知道點樣敷mask，都要識得揀適合自己嘅mask！小編一向都鍾意用有蜜糖成分嘅護膚品，因為蜜糖護膚功效多，有保濕滋潤嘅功效，有助紓緩皮膚乾燥。最近愛上森田藥粧以花蜜做主打嘅Honey Mask系列，有維他命B、C、E 3款，分別係保濕、美白同修護功效，一次過買3款，就可以一次過滿足3個願望！

森田藥粧花蜜玻尿酸維他命面膜系列

萬寧獨賣
查詢: 2523 2683

5. 敷mask嘅黃金時間？

唔少人都想慳時間，一邊浸浴一邊敷mask，但其實此時不宜敷mask。因為浴室內的蒸氣會令mask難以與皮膚貼合，影響肌膚吸收面膜精華。其實敷mask嘅黃金時間應該係晚上返屋企，沖涼後半小時內，呢個時候毛孔處於微張狀態，血液循環比較好，加上做咗成日嘢，呢個時候敷就可有助皮膚休息同吸收護膚成分。