【遮瑕】狂推！Make Up For Ever超高清隱形遮瑕霜實測！竟然一試秒變最愛？！| iTRIAL美評

Feb 27 2019

Make Up For Ever 嘅底妝產品一向十分有名，特別係ULTRA HD超高清系列！！今次加入新成員ULTRA HD CONCEALER超高清隱形遮瑕霜！最注重遮瑕嘅我超興奮，因為一直都搵唔到一支超愛嘅遮瑕液😢今次就等我哋iTRIAL美評試吓佢可唔可以成為我摯愛啦😍〜

Text:吉吉gutgut (IG:katiekwongxx) | Photo:吉吉 & Cliff Tsui

Make Up For EverULTRA HD CONCEALER超高清隱形遮瑕霜 #21 #30 #42

價錢：$260 (全9色)/ 5ml
平均價錢：$52/ ml
產品類型 : 遮瑕液
賣點 : 以捕捉光源科技，用光線柔化幼紋及眼袋，令眼底膚質更柔滑。有自我定妝功效，持久12小時，更有超卓的保濕功效，持續滋潤脆弱肌膚。

質地：
質地順滑、不厚、很水潤，像cream一樣的質地，柔滑易推〜這款遮瑕霜一共有九隻色比大家選擇，無論咩膚色都可以有適合你的😳

我會先用深一點的色調作調色之用，然後再用適合自己的色調遮蓋黑眼圈。

遮黑眼圈：

5分
黑眼圈明顯被遮掉了！大概遮了八到九成，有柔化及提亮的效果！

滋潤度：

4.5分
其實我幼紋都比較多，好多遮瑕液都會顯乾紋或者有卡粉嘅情況發生。但呢支真係無乜，真係不太顯乾紋！！眼頭比較深的紋雖然唔可以完全遮掉，但呢個效果對比起其他品牌來說我已經非常滿意了！！

遮暗瘡：

5分
太誇張了吧，痘印完全被遮掉！雖然我搽左兩、三層，但遮瑕霜有呢個遮瑕度真係好驚訝，而且十分貼面〜建議上遮瑕霜時可以用點印嘅方式上，唔好將產品推太開，避免推走太多遮瑕霜，遮瑕力就可以提升啦 😆！！

總評：

5分
其實我好少覺得一個產品好好用，但今次試嘅呢枝 Make Up For EverULTRA HD CONCEALER超高清隱形遮瑕霜無論係柔化效果、滋潤度、遮瑕度，都令我十分滿意，而且即使我之後上妝全日，持久度都有4分，而保濕度依然不錯！所以我都好建議大家入手一支😍

Tag