過咗半年仲未有桃花？教你跟 星座 換增運髮型

Text ｜Candy Choy

2016年都就嚟過咗一半，點解成日都係得啲爛桃花，真果啲去咗邊呀？緣份嘅嘢有時真係要講運氣，如果你運氣係差咗少少，又想趁轉季換個髮型，轉轉運，以下十二 星座 嘅增運髮型，不妨試試，仲話埋你知今年幾時係你嘅戀愛高峰期，記住雙管齊下，把握機會喇！

(部份內容參考自台灣星座專家唐立淇)

白羊座 :俐落短髮

戀愛高峰期：一、二、八、九月

宜：職場尋覓

短髮最適合熱情勇敢嘅白羊，想有新衝擊，不妨試試短髮！

金牛座 : 微鬈短bob

戀愛高峰期：九月上旬

宜：五月要先慎選

九月上旬係十二年一次木星五宮的桃花運，感情會有突破，剪個清爽中短bob，最好可以帶啲微鬈，更加可愛清新。

雙子座 : 側分鬈髮

戀愛高峰期：九月後
宜：多出席聚會、打扮、轉造型、主動

你的魅力會在九月後自然散發，自信亦提升不少，想再增魅力，可以嘗試較女人味嘅側分鬈髮。

巨蟹座 : 女神短髮

戀愛高峰期：六、七、十、十一月

宜：尋找品味相近類型

可能會在旅行、或者喺留學時認識嘅人發展，十、十一月桃花運最強，巨蟹座可以剪短髮，散發知性女神魅力。

獅子座 ：劉海及肩髮

戀愛注意期：五、八、九月

宜：需更花心機、時間在感情上

獅子座今年嘅戀愛運比較艱辛，注意期會有突發事件發生，想增運，可剪劉海及長至膊頭的直髮。

處女座 ：濕潤短髮

戀愛注意期：五、八、九月

宜：減低氣場、有耐性

會有條件好又對你好嘅人出現，但切忌冇耐性又太猜疑，人會因為你氣場太強而放棄。嘗試清爽one length 短髮，再加上wet look 效果會增添魅力。

天秤座：柔美波浪長髮

戀愛高峰期：九月

宜：多打扮，避開不倫戀

直至年底一直桃花也很旺，但易遇不倫戀，到九月後正桃花才會出現。今年要享受寧靜之美，試試柔美的波浪長曲髮吧！

天蠍座：中長Bob

戀愛注意期：九月

宜：不放工作在第一位，多陪另一半

九月易惹爛桃花，也易遇到同病相憐嘅人，不要因工作而忽視另一半，避免爭吵而出現感情問題。剪個及肩長度嘅bob頭，可以招回一點正桃花。

人馬座：黑色劉海短Bob

戀愛高峰期：五、七、九、十

宜：小心拿揑與長輩嘅曖昧關係

桃花運旺，但易遇怪人，其實對方條件唔差，不過你一時合眼緣後又猶豫，易成過眼雲煙。可以試試一個嚴肅、專業嘅形象，黑色短bob可減低人馬跳皮的一面。

山羊座：美人魚長髮

戀愛高峰期：五、六、七、八、十、十一月

宜：適時放手

年頭覺得與伴侶貌合神離，但仍會堅持，如果覺得再難維持，就應該放手，因為下半年會影接觸到更理想的對象。今年山羊座要去新冒險，所以整一頭美人魚長曲髮，給自己一個全新感覺！

水瓶座：自然波浪

戀愛高峰期：六、八月

宜：尋找相處舒服的人，而非憑外表

高峰期會遇到好對象，暗戀也易成功。五、八、九月會有貴人出現。自然的微波浪髮型，會讓人感覺更親切如朋友，自然有更多機會。

雙魚座：長直髮

戀愛高峰期：九、十、十一月

宜：揀年長的對象

一頭長宜髮最能表現雙魚的嫵媚，當自己的人氣愈旺，好的對象也自然會來。