打破美白界傳統定律！POLA帶出全新「能量美白」！
大家都知道，日本護膚品之所以有保證的原因，正正在於佢哋嘅嚴僅審查。特別係美白產品，原來日本已經10年無推出過新嘅美白成分喇！最近POLA打破停頓不前嘅美白成分認證審查，推出獲日本厚生勞動省新認可全新嘅美白成分，成為美白界嘅一大新聞！加上美白淡斑一向係夏天嘅首要任務，所以大家一直都好關注POLA新出嘅美白產品有幾勁，今次就同大家嚟個詳細報告！
（Presented by POLA）
闊別10年嘅美白新篇章！
對上一次得到厚生勞動省認證嘅美白成分已經係10年前。大家一直都好期待美白新成分嘅誕生，POLA最近推出White Shot系列嘅全新產品，添加咗日本「新認可」嘅美白活性成分「PCE-DP」，仲跳出美白框框，帶出全新「能量美白」概念，瞬間成為美白新星！
能量美白 vs 表皮細胞中黑色素
以往我哋成日話要擊退黑色素，但今次POLA創新諗到「能量美白」嘅理論，就正正調返轉，透過加強表皮細胞力量，從而減少黑色素嘅產生：黑色素本來係為肌膚細胞核起保護嘅作用，但只要充滿能量嘅表皮細胞能夠增強佢哋保護細胞核嘅天然功能，令細胞唔駛再依賴黑色素，咁就可以有助減少黑色素生產嘅需求，從而減少接收黑色素，同時提升自我清除功能（黑色素嘅分解能力），咁就自然可以提升整體肌膚嘅通透感啦！
新認可美白活性成分PCE-DP！
要做到呢種效果，POLA研發出全新獲認可嘅美白活性成分「PCE-DP」，加入化妝水同乳液當中，爆發性提升肌膚表皮細胞嘅能量，抑制黑色素積累，進一步防止色斑同雀斑嘅形成，喚醒肌膚潛在嘅美白力量！
全新美白產品誕生！
POLA嘅美白丸美白功效強勁就大家都知，今次加入「PCE-DP」成分嘅雙效袪斑煥白化妝水同乳液同樣不容忽視！透過剛剛提及嘅理論，呢兩款產品都可以生產同加強表皮細胞中嘅能量，從而有助減少表皮細胞內黑色素嘅數量！當中化妝水質地柔滑，洗完面之後成塊面用直徑約2cm大小嘅份量就夠，由內至外輕輕推開，令美容成分瞬間滲透肌膚；而凝霜質地嘅乳液，就俾讓人一種露水嘅感覺，同時可以保持滋潤感，塗過化妝水或精華後，取出約2揼，由內至外輕輕推開就搞掂！夏天嘅全新美白概念，簡單兩步就可以做到，你仲唔快啲行動？
了解詳情：http://bit.ly/30p4t2M
White Shot MX雙效袪斑煥白化妝水 $960/ 150ml
White Shot MX雙效袪斑煥白乳液 $960/ 78g
