最喜愛編輯推介年度十大 — Sisley Le Phyto Rouge

Mar 15 2019

一支好嘅唇膏，除咗要夠顯色、顏色選擇夠多之外，仲要夠補濕、質感柔滑，塗抹同時修護雙唇，咁先可以有助減少唇紋，保持雙唇滋潤，落咗妝都仲紅潤有光澤！就好似Sisley嘅Le Phyto Rouge唇膏系列一樣，就可以一次過滿足大家以上嘅願望，難怪可以獲得今年第17屆《More》美容產品大賞中「最喜愛編輯推介年度十大」嘅殊榮！

(Presented by Sisley)

編輯推介持續水潤補濕！

究竟Sisley嘅Le Phyto Rouge唇膏點解咁吸引？因為佢真係好補濕！由於雙唇無水油脂膜嘅保護，所以天生細緻脆弱，容易受到污染、紫外線同吸煙等外在環境因素傷害，因此唇膏中嘅凝潤護唇配方就扮演重要角色，透明質酸同魔芋葡甘聚醣有助保持唇部肌膚水分充盈，睇起嚟更飽滿、細滑。仲有山茶花油可以滋潤同維持櫻唇嘅彈性同柔軟度，荷荷巴油可以保持唇部柔軟舒適，輕輕一塗就可以令雙唇即時被包圍喺水潤薄膜之中！

20款標誌性色彩絢麗奪目！

唇膏好用之餘，顏色當然都要夠靚夠sharp，咁先可以令整個造型加分！Le Phyto Rouge系列唇膏為咗配合唔同膚色嘅女士需要，研創咗4大色系，合共20款嘅絢麗色調。當中以裸色系嘅#13 Eldorado、粉紅色系嘅#21 Noumea、橙色系嘅#32 Calvi同紅色系嘅#43 Capri最受歡迎，從鮮艷明亮到低調素雅一應俱全，總有一款啱你心水！