仲一支眼霜走天涯？至sharp眼神必備日夜亮眼秘笈

Nov 19 2018

（Presented by OLAY）

轉季天氣，除咗要細心呵護面部皮膚，小編最關注眼部嘅肌膚，點都唔可以忽略，你仲係日夜都用緊同一支eyecream？梗係唔得喇～眼部肌膚比面部肌膚更薄更脆弱，當然要配合眼部肌膚日夜唔同嘅需要，揀番啱用嘅護眼產品，咁先可以日夜咁改善唔同嘅眼肌問題，即刻睇吓小編有咩日夜護眼秘訣推介畀大家！

日間即時明眸

朝早化妝點都遮唔住一對熊貓眼同眼紋？小編推介你化妝前一定要用OLAYUltimate Eye Cream，佢專為日間修護而設，3合1眼霜有效針對黑眼圈、眼袋同眼紋，蘊含多種成分：Penta Peptide可以促進膠原增生，撫平細紋；維他命B3可均勻膚色、淡化黑眼圈；Glycerin可滋潤保濕肌膚，預防乾紋卡粉。小編試過眼霜質地超水潤同保濕，搽上眼周一啲都唔會笠，仲超易吸收！

小編最like佢有自然嘅粉嫩色調，有即時嘅遮瑕功效，用完疲累嘅眼肌膚色變得均勻，仲有打亮嘅效果，黑眼圈即刻望落無咁覺眼，雙眼仲即時sharp晒！

夜間深層修護

經過忙碌嘅一天，對眼全日都望住個電腦同電話，真係超攰！眼紋都出晒嚟喇～返屋企小編第一時間幫雙眼做番深層修護，OLAY Pro-Retinol抗皺眼霜蘊含珍稀抗皺成分Pro-Retinol、B3及抗氧化成分肌肽（L-Carnosine），可以修補日間眼周肌膚嘅傷害，喺夜間針對眼紋作重點抗皺，撫平眼底細紋同魚尾紋，強化肌膚組織，同時Pro-Retinol抗皺眼霜具有特強保濕性能，可以鎖住水份，有效擊退眼周皺紋！