必買泰國彩妝！Cute Press聯乘My Melody打造夏日甜美妝容
炎炎夏日，不少港人都會到泰國享受一下陽光與海灘，水療、按摩當然少不了，待身心舒暢後再到夜市、大型超市買個痛快！除了零食、藥品之外，泰國彩妝也是備受好評的手信選擇！今個夏天，著名泰國彩妝品牌Cute Press更聯乘My Melody，推出一系列彩妝產品，外表可愛之餘CP值亦極高，即將到泰國旅遊的朋友千萬不能錯過！
撰文：Hailey｜圖片來源：官方圖片、Instagram
IG大熱泰國彩妝
泰國彩妝品牌Cute Press一直深受當地女性歡迎，早前更聯乘Disney推出一系列公主彩妝產品，令泰國、香港、台灣的女生都為之瘋狂，引起一輪代購熱潮。今次Cute Press與Sanrio聯手，推出限量My Melody和Kuromi的化妝品，可愛程度再升級！
超可愛My Melody產品
Cute Press今次推出的彩妝系列，產品非常全面，化妝掃、粉餅、胭脂、唇膏等應有盡有，無論如何總有一款適合你。當中更有近期大熱的液體胭脂，適合夏日自然、貼薄的妝容！
CP值極高！唇膏$61入手
港人喜愛泰國全因當地飲食、消費都價廉物美，彩妝產品一樣唔例外！5色持久水潤顯色唇膏，每支只售THB$259，換算後只需要HK$61就買到，連6色眼影盤都只售THB$399，HK$100都唔使就可以入手，買多幾款送禮自用都完全唔心痛啊！
