沒有妊娠紋

護膚保養
Michelle Lau


此相是於囝囝出世前十多日影的，由懷孕前115磅至生產前的165磅。

懷孕時我經歷了人生最肥最鈍的時間，體重更增加了差不多50磅，不過貪靚如命的我，生完後3個多月已回復未懷孕前
的體重了，當然世界上是沒有免費午餐的，我的成果是經過地獄式的刻苦節食與忘命的運動而換來的，但更令我自豪的
是，我的肚皮上一條妊娠紋也沒有。
同樣不用羨慕，要知道世界上沒有醜的女人，只有懶的女人，當一知道懷孕了，我已不停向身邊的靚媽媽取經，好友
Tania更專程從加拿大買了10瓶「肚皮膏」給我，「不要懶，每晚都要搽，我就是塗了這個，一條肚紋也沒有。」Tania

叮囑道。有辦我看，自然信得過，於是自懷孕第12周開始，我就每天晚上都在肚子上打圈地塗上加拿大品牌Jamieson的
Vitamin E 30,000 ultra-rich moisture cream，它不是專門對抗妊娠紋的肚皮膏，只是含300,000UI維他命E 的超滋
潤面霜，其質地超級滋立，更需推抹一段時間才能被吸收，塗後肚皮滋立得黏著睡衣，正因為夠滋潤，才能令膨脹的肚
皮不會出現裂紋，而且一大瓶只需$180，由懷孕12周至生完後4星期，才用了大約四瓶的分量，很抵用呢，不過最重要
還是沒有妊娠紋的奇妙效果，這瓶cream更成為我送給懷孕朋友的恩物。除了用作預防妊娠紋，於極乾燥的時候我會當

body cream塗上，就算頑強的乾裂腳紋，塗了翌日也會消失無蹤。


Jamieson的ultra-rich moisture cream $180，可於藥劑師駐診的屈臣氏有售。

－－－－－－－－－－－－－－－－－－－－－－－－－－－－－－－－－－－－－－－－－－－－－－－
你或許對這些文章有興趣:

　親身體驗EGF的神奇護膚功效

　　

　連根拔－－Rubis Tweezer

你可能也喜歡

There are 17 comments

Add yours
  2. SK2 Jenny

    補祝你的慶生快樂!

    並且, 我己將你”沒有妊娠紋”的文章forward給身邊懷孕的朋友!!她們就像發現金礦一樣的興奮!!!感謝!!

  4. michellelau

    Jenny,
    你記住叫你d朋友唔好嫌佢’立’, 我都曾經想過放棄,因為真係超立, 不過我真係一條妊娠紋都冇.

  8. Bonny

    我係一年前你本more介紹時已經買定這瓶面霜, 都係由第12週開始用, 但現在我已經20週了, 不知是否因為冬天天氣關係, 我塗了很厚仍然很”痕”, 我想問有没有其他辦法哩? thx…. (真的很痕, 有時我還抓到肚皮起”粒粒”哩!)

  9. michellelau

    Hi Mandibaby,
    好多戲你既支持, 我會努力架啦.盡量希望可以日日update, 不過由於weekend要湊囝囝, 真係倦過返工, 所以星期日就有點無能為力.
    鑽石山屈臣氏咁大, 應該有藥劑師駐診, 咁就有得買架啦.

    Hi Bonny,
    我都試過你既情況, 但就係因為我有段時間忍受唔到隻cream太潤, 而轉用Bioderma隻去紋cream, 不過用咗幾日就又紅又起粒粒, 仲好痕, 之後我轉番呢隻cream就冇事. 我想你最好停用隻cream幾日, 睇下好唔好D, 再用番時唔好搽咁厚, 如果都仲係痕就唔好用啦. 你或者可以試下橄欖油, 有幾多朋友都話好work.

  12. kaiyinmama

    我都想發表下…..
    以我過來人黎講, 其實有無妊娠紋, 真係因人而異架, 我本身都無妊娠紋, 從有左3個半月開始搽去紋膏, 我一d 敏感都無, 但我介紹左比我朋友, 佢同我同一時間搽, 佢就皮膚敏感都好緊要, 仲要睇e生止痕添, 到最後佢放棄無用, 佢生左bb後, 佢發現一樣無妊娠紋, 即是代表唔搽一樣無問題…
    我問過產科e生, 原來有無妊娠紋, 係視乎個產婦肚本身肚子既彈性 同 bb 既體積, 如果兩方面都好好的話, 咁唔需要用任何膏都會無問題, 相反的話, 就算有搽都係會有紋架…

  13. michellelau

    Hi Kaiyinmama,
    我都好同意你所講, 不過預防勝於治療嘛 我本來以為自己都實有妊娠紋, 因為我個肚勁大,同埋我大腿同patpat既橙皮紋都超勁 (因為中學時有130多磅, 大學時減至100磅). 好好彩真係一條紋都冇, 我當然唔敢完全歸功於呢隻cream, 不過我覺得多少也有幫助的. 但係如果用到敏感就要停啦!.

  14. Pig Mom

    我大肚三、四個月嘅時候都試過痕到瞓唔到，起晒粒粒，揸olive oil+其他cream 都無用。

    後尾朋友介紹用茶花子油，再+Michelle嘅文章介紹嘅Vitamin E cream 揸(或其他Vitamin E cream都得)，真係唔再痕。而家生完真係一條紋都無，去醫院檢查時，醫生仲問我揸咩個肚可以一條紋都無。

    Vitamin e 真係無敵!

  16. Fi

    Hi Michelle,

    想問下你, 我仔仔就嚟6個月大了, 但我個肚仲好似有5個月咁, pat pat 同大腿都好粗壯, 所以睇番你以前的post, 發現你生完後3個多月已回復未懷孕前的體重了，明白你的成果是經過地獄式的刻苦節食與忘命的運動而換來的, 可否推介有同的方法給我, 我唔想成日想鬆身衫呀.

  17. Fi

    Hi Michelle,

    我仔仔已經6個月大了, 我個肚仍然好似有了6個月似的, pat pat同大腿都十分粗壯, 我專登睇番你以前的post , 因為你好fit, 原來你生完後3個多月已回復未懷孕前的體重了，我明白你的成果是經過地獄式的刻苦節食與忘命的運動而換來的, 我否與我分享你的有效方法, 我唔想再著鬆身衫喇.

Comments are closed.

Recommended