春季大熱 必搽型格酒紅唇色
啱啱先過完元旦，好快又到農曆新年，諗定化咩妝迎接雞年先？唔係啩？仲諗住搽鮮紅色唇膏？今年鮮紅已經全面out，換嚟嘅係春日酒紅色調，你睇唔少韓國女生都會搽深酒紅色就知，仲唔追貼啲個trend，即睇酒紅唇妝要點襯！
唔夠兩星期好快又農曆新年，想給人煥然一新嘅感覺，不妨新年搽呢款酒紅魅力唇色，唔少韓國女生都好鍾意搽呢種酒紅唇色，特點係唇線較分明，可以即時提升你嘅女性魅力，夠晒精神奕奕，酒紅低調得嚟唔會太誇張，見長輩都唔怕太濃妝，最適合用嚟做拜年妝。但搽全實色酒紅唇妝建議眼妝同胭脂要較輕手，否則感覺較老氣，亦可更突出酒紅唇妝嘅女性魅力。
外遊韓式花瓣酒紅唇色
新年去外地旅遊，當然要化番個型格漸變唇妝，利用深淺唔同嘅酒紅色唇筆，造出漸變花瓣唇效果。先搽上淺色唇膏，然後在唇中央搽酒紅色唇膏，再用棉花棒造出漸變效果。花瓣唇色可配襯酒紅色眼影，令妝容更一致，好似韓國美妝達人Pony就配襯得好靚喇！
塑造完美唇型
3種最HIT色調（左至右）：
#135 Provocateur（新年必備）
# 270 Fiery（人氣酒紅色）
# 225 Sultry（人氣磚紅色）
睇完今個春季酒紅色唇妝潮流，亦要有好嘅產品配合，先可以畫到完美嘅唇型。小編試用過很多深色唇膏，覺得Revlon Balm Stain艷彩潤澤唇膏係最好用，因為佢質地好潤，就算顏色較深，搽上咀都唔會令咀唇變乾或出晒唇紋，仲可以keep到成日都持久潤澤。全因內含乳木果油、芒果油及椰子油精華，可以長時間令唇部保持滋潤，完全唔怕搽耐咗，深色唇膏會出現甩皮或乾裂嘅尷尬情況，所以小編化妝袋必備幾支Revlon Balm Stain，方便配襯唔同嘅酒紅唇妝。
