最強3重底妝力量！挑戰持久極致零瑕底妝
GIORGIO ARMANI Beauty一向都係底妝大師，底妝產品質素一定有驚喜！今次Power Fabric系列嘅兩位新成員：全新持久零瑕粉底霜同全新持久零瑕遮瑕液真係相當厲害，未推出就已經成為全城熱話！編輯身邊唔少朋友都已經target入手呢個系列，原因好簡單，因為香港嘅潮濕天氣真係好容易脫妝，但呢個系列嘅底妝產品正正主打高度遮瑕、輕盈無重同長效啞緻，完全啱晒香港嘅天氣用！兩件新品加埋皇牌持久零瑕粉底液，可以組成最強3重底妝力量，輕易塑造極致零瑕底妝！
(Presented by GIORGIO ARMANI Beauty)
今次Power Fabric系列嘅兩位新成員質素相當高，全新持久零瑕粉底霜同持久零瑕遮瑕液也令編輯一試愛上！因為兩位新成員都以皇牌持久零瑕粉底液獲獎無數嘅超強配方研發，做到高度遮瑕與輕薄妝容兼備！粉底液配方巧妙咁融合極致細緻色彩因子同高濃度精油粉末，令底妝觸感極致細滑，達致無妝感，好似第二層肌膚一樣透薄無瑕，所以兩位新成員嘅妝效同樣卓越！依家仲推出咗10款全新色調，一共有20款唔同嘅專屬亞洲肌膚色調俾你揀，一定有一種色啱你！
皇牌Power Fabric持久零瑕粉底液 HK$540/ 30ml（20款色調）
全新持久零瑕粉底霜 雙重轉化質感輕盈清爽零瑕底妝！
單睇紅黑嘅cushion型設計，已經深深被佢嘅外表吸引！唔好聽到「粉底霜」呢三個字就覺得佢嘅質感會好笠，其實呢個全新嘅持久零瑕粉底霜有好特別嘅「雙重轉化質感」，可以喺粉底同肌膚接觸嘅瞬間，轉化成柔滑粉末，如粉餅般輕盈清爽，即使on top層疊塗抹，都一樣咁輕盈貼服！
持久高度遮瑕 恍如美圖效果！
驚喜嘅係，佢嘅遮瑕度亦係相當高，仲相當持久！輕輕一印就已經可以完美柔焦暗瘡印、黑眼圈等瑕疵，仲令毛孔瞬間隱型，令肌膚變得細滑啞緻，好似㩒咗美肌mode一樣！
專用水滴型粉撲 零死角完美上妝！
獨特設計嘅專用粉撲亦值得一讚，佢嘅水滴型設計可以令你喺塊面任何角度同細微位置都完美上妝，而且粉撲表面亦只會吸收適量嘅粉底液，上妝均勻薄透，唔會存粉，所以粉撲時刻都可以保持清爽！佢嘅用法好簡單，只要先用粉撲輕打1至2圈Warm up，就可以輕易取出合適份量，然後按所需遮瑕度續少續少塗上就可以喇！
CP值高！多用途百搭使用
呢個持久零瑕粉底霜嘅CP值真係相當高！佢一物多用，既可以當粉底用，方法簡單，用喺底霜之後，方便易推，修飾面上瑕疵，締造第二層完美肌膚；亦可以當粉餅用：喺粉底之後用，加強遮瑕度，締造更精緻、完美嘅妝容；仲可以補妝時用：隨身帶出街，隨時隨地修飾妝容，keep住個妝成日都咁靚！
全新Power Fabric持久零瑕粉底霜 HK$590/ 9g（8款色調）
全新持久零瑕遮瑕液 遮瑕效果特強！
如果面上有黑眼圈、泛紅同色斑等瑕疵想重點遮蓋嘅話，當然唔少得全新持久零瑕遮瑕液！佢質感水漾透薄，但遮瑕效果特強，而且持久貼服，相當易推，重點係質感柔滑，唔容易起摺痕。
用晒底妝3寶，幫你一次過提亮、柔膚、遮瑕，想要完美無瑕嘅妝容，就係咁簡單！
全新Power Fabric持久零瑕遮瑕液 HK$340/ 6ml（12款色調）
