懶人必睇！5 分鐘出門 化妝術
Text | Joyce
(Presented by REVLON)
好多女仔都好貪靚，肯花錢買過千元的護膚品，又會花過萬元做Facial；但10個女仔之中只有2個有化妝習慣，問到點解貪靚但又唔化妝？答案就只有一個：懶！所以為了一班「愛靚但懶」的女士們，特別度身訂造了一個以最少步驟及工具去完成的妝容，以後就無藉口再懶落去喇！
必備Item 1：二合一底妝組合
天氣開始笠黐黐，擔心肌膚容易出油之外，當然想用最少及最簡單的步驟化完一個貼面又自然的妝容啦！所以REVLON全新推出的持久無瑕二合一底妝組合就啱晒懶人之用，一盒兼備粉底及遮瑕兩個功能，加上專業配對遮瑕膏及粉底霜的色調，遮到瑕疵，顏色又貼近肌膚，令妝容更加自然。另外，防汗水配方同時控油，即使趕住出門口返工而搞到流汗出油，都仍然可以keep住完美無油光。
粉底質感輕柔，建議用上濕粉撲來上粉，好容易就可以推勻全面，再用粉盒上層的遮瑕霜於黑眼圈及痘痘印的位置多印一點，好簡單就完成光感透薄的自然妝容。
需時：2分鐘
好處：粉底容易推勻，所以底妝2分鐘即成；即使再補妝，都一盒可以搞掂晒～
Tips：若果肌膚狀態非常乾燥，可嘗試將粉撲加入少許化妝水或精華，上粉時更貼面而且last得耐。
必備Item 2 & 3：啡系四色眼影配Mascara
繼而，選用一盒帶啡色系列的四色眼影，當中深啡色的一格可作眉粉用，只須以附設的小掃子描畫眉形後用棉花棒稍為修飾即可；接住再以其餘的淺啡色來化眼妝，深啡的一格可再次作眼線用；然後再塗一點mascara，眼妝大致完成。建議使用眼影作眼線時，可先滴少量水於眼影粉上，再用眼線掃印上粉，避免甩粉入眼。
需時：2分鐘
好處：不同啡系的眼影再配合mascara，可以塑造深邃眼妝，自然妝容必備。
必備item 4：點亮妝容的唇彩
今年春夏，水嫩與立體嘟唇感兼具的「糖果染唇妝」特別流行，舊式的咬唇妝法已過時喇！先將粉色系的唇彩塗抹唇部，並在唇緣預留約0.2cm，作為暈染的空間，再以裸色系的唇彩棒塗抹及暈染邊線，輕易畫出自然飽滿的「染唇」妝效！透明水光感的妝效配合吸睛的唇彩，除了有減齡作用之外，同樣是韓星近期回歸的妝感。
需時：1分鐘
好處：將雙唇變得立體水潤，無須掃上胭脂，都令妝容充滿層次感。
5分鐘即成！
整個妝容只需要4款工具及6個step，約需時5分鐘。簡單幾個化妝技巧，已能應付日常上班的需要。早幾分鐘起床，全日予人精神奕奕的感覺，絕對值得！
