新一年拒絕空想，跟Elaine一齊實現夢想
新一年有咩計劃？好多人都識講︰「我今年要……」但一轉眼，2018年1月就快過去，仲未開始實踐？不如一齊跟姚子羚Elaine集集氣，畀啲勇氣你跳出框框，實現 夢想 喇！
Text︰YY
（Presented By SK-II）
檢視自己，放膽 夢想 ！
2017年，對Elaine嚟講係豐收嘅一年。唔單止憑住電視劇《同盟》韋以柔一角，俾觀眾睇到另一面嘅自己，仲先後喺馬來西亞、新加坡、YAHOO等拎到唔少奬項，印證自己努力嘅成果得到認同及支持，令Elaine開心又感恩，亦令佢更有動力繼續向前，訂下更多新目標、新夢想！
為夢想，用心計劃！
嚟到2018年，Elaine再接再厲，滿腹大計嘅佢係工作方面除咗想接觸不同領域，爭取機會作多方面嘗試，跟唔同團隊合作，演繹更多自己想演嘅角色外，亦開始運用藝人身分為動物發聲，推動領養不棄養，為流浪毛孩出分力。
「仲有，開Café賣自己喜歡嘅Latte，以及用獨遊方式去探索世界等亦係我今年嘅夢想。」有工作方面，有社會服務方面，有興趣方面，因為夢想，Elaine嘅世界更大更美！
為夢想，做好準備！
要令夢想一一實現，Elaine認為最重要係有勇氣踏出第一步，再加努力同唔好輕易放棄。即使未能即時實現，亦要從過程中學會享受，並都會有所得着。
其次，無論身心都要保持住最佳狀態，「由於工作不定時，所以都會多飲湯水保養一下，另外做適量運動及心態保持正能量，例如多與正能量朋友外出、多聽正能量故事等都有幫助。」
而護膚方面，Elaine會交畀SK-II神仙水照顧，提升膚質更晶瑩剔透，亦時刻保持彈滑水嫩。Elaine更特別鍾意2018年SK-II新年限量版神仙水嘅意念，「上年就係鳳凰展翼圖案，有重生嘅意思，而今年包裝就有由『夢』啟發嘅藝術彩繪，仲要有埋紅色樽身！紅色對我嚟講係代表熱情、決心，仲代表愛，做每件事都需要有愛，要喜歡先會做得更好，去達成心中夢想。所以好鍾意今次紅色樽身，喚起我嗰份追尋夢想嘅勇氣。」
分享完Elaine嘅新年夢想，你點可以齋空想，一於坐言起行，用追尋夢想嘅步伐， 迎接新一年更好嘅自己！
