星級化妝師Daniel不私藏秘授：夏天單靠保濕不能boost up 疲倦肌？一拍一抹膠原 Super Boost 養出飽滿+水嫩肌膚

Aug 3 2023

各位sis有無發現夏天護膚比冬天更難？可能因為美編日日開冷氣訓覺、室內冷氣令皮膚一熱一冷、盛夏去戶外活動，紫外線高會傷皮膚，所以夏天皮膚狀態好唔穩定，長期乾燥、狂出乾紋！

夏天梗係想皮膚水嫩又漲卜卜，出海玩、打卡時最靚示人，無奈狂敷補濕mask皮膚好快就乾返，但天氣咁熱搽太厚身嘅cream又好大負擔，之後化妝仲會出「擦膠粒」。各位sis想由根源杜絕夏日肌膚問題，唔可以單靠保濕，而要Super Boost膠原蛋白！

今次美編搵嚟星級化妝師Daniel親自解構夏天嘅護膚謬誤，仲不私藏養成飽滿+水嫩肌嘅護膚貼士，分享按摩提拉手法boost up輪廓！！

D: Daniel M:More

M:夏天每晚開冷氣瞓覺、出入冷氣地方、戶外活動暴曬等令皮膚好疲弱，望落唔精神；但就算狂敷保濕mask都好似作用唔大，無以前咁水嫩、漲卜卜，究竟係咩原因？

D:好多人平日護膚只著重保濕，無考慮到隨年齡增長，日常護膚都要保養好膠原蛋白。想皮膚水嫩彈潤，關鍵係膠原蛋白充足！好多女仔25歲後，皮膚變得乾燥鬆弛、出咗好多細紋、底妝無咁貼服！其實因為25歲後「膠原蛋白」每年流失1%，除咗令皮膚嘅保濕鎖水力變差，支撐力亦會下降，下巴、蘋果肌鬆弛下垂等肌膚初老嘅疲態都會湧現。

時值盛夏，紫外線指數高更會傷害膠原蛋白、加速皮膚衰老。好多人夏天怕熱，日間保養只揀質地最清爽嘅產品、無咁著重功效；夜晚訓覺開住冷氣就搽厚重滋潤型嘅產品，但咁樣皮膚狀態會唔穩定! 夏天最需要揀啱質地水潤、易吸收嘅護膚品boost up膠原，咁皮膚自然就會好彈好水嫩。

M: 日常護膚最容易忽略邊個位置？

D: 20歲時大家膠原蛋白仲好健康，下巴、頸輪廓仲緊緻，好容易忽略保養！頸紋出現後好難減退，記得防患未然用collagen產品去按摩，預防鬆弛下垂，輪廓緊緻就輕鬆保持到年輕感! 其實抗衰老嘅護膚程序愈早做愈好，我20歲已經開始用緊anti ageing產品boost膠原！

M: 夏天用Anti ageing產品會唔會太heavy？

D:市面上大部份產品質地較黏膩厚重，但最近終於出咗款水潤輕盈嘅選擇，好適合夏天使用，無論日夜保養定係妝前打底都好適合新手試用！