唇妝 Do & Don’t！教你塑造人見人愛的雙唇！

係女人都想有人錫！咁就要識化一個平易近人嘅靚嘴！
小編趁日藉彩妝大師Yoshitomo Takashi月中嚟咗香港，即刻把握機會向佢求教唇妝心法！

Yoshitomo Takashi 喺3月20日現身海港城港為Dior客人設計彩妝，小編有幸向高人偷師！
大師閱「嘴」無數，邊啲妝受落，邊啲妝趕客，小編都jot低哂貼喺床頭提醒自己！

Do：塑造粉紅圓形嘴！

Feminine嘅粉紅色系好match圓形嘴唇，化出嚟效果自然而平易近人！

至於唇形尖尖，其實比較襯cool cool哋嘅啡橙tone！

根據以上定律，天生嘴尖豈非註定與溫柔路線無緣？咁又未必！ 畫唇時從一邊唇山畫至另一邊唇側，就可以將唇線修圓。尖嘴變圓嘴亦得，得咗！

Don’t：Party亂放閃！
好多人去party會化到個唇好似閃光蛋咁！吓吓咁重手係人都怕！其實唇裝閃亮度應該視乎party時間而定！

晚上光線昏暗，閃粉唇彩比較適合夜間宴會。

日間cocktail party有陽光折射，可以選用光面或帶有珍珠粉嘅唇彩！

大師特別推介Dior Addict Ultra-Gloss 鏡光唇彩系列。呢個系列唔止亮度細緻，仲含有透明質酸同豐唇油份，會愈搽愈水潤豐盈！