拋開年齡 保存期限 相信I Never Expire！
女人到咗30歲後，最怕被人標籤為「 中女 」，如果未結婚，更怕被人話係剩女！呢啲都係社會為每個女人貼上嘅「 保存期限 」標籤，做女人你都咪話唔煩！SK-II今年延續佢哋#ChangeDestiny「改寫命運」理念，推出全新短片《I Never Expire》，將女性面對年紀及外表嘅「 保存期限 」形象化拍成短片，小編作為女人睇完真係好有共鳴，好值得大家深思同關注！
Text：Rebecca Photo：SK-II
（Presented by SK-II）
女人面對「 保存期限 」問題真係不分地區，SK-II最新嘅研究就發現，有近半數嘅亞洲女性，認為社會都會為佢哋貼上「保存期限」標籤，而香港女仔中，每 10 個就有多於 4 個對年齡增長感到憂慮，有半數女性唔鍾意人問佢哋嘅婚姻狀況，情況都咪話唔擔心。
香港女生面對多重壓力
香港女性真係面對好多問題，又要獨當一面，又要八面玲瓏。好似到咗30歲後仲未結婚，就會被人視為「大齡未婚」、「嫁唔出」；事業想一展所長，但年資太深老細覺得你人工高，但唔夠後生女咁有創意；想出嚟創業，又怕輸唔起，事業處於樽頸位置。事業太成功，又怕嚇走另一半。女人到中年，又開始擔心身形走樣，皮膚無以前咁緊致白滑等等，好多問題都困擾唔少中年女性。其實再多問題，只要識得正面啲諗，唔介意人哋嘅睇法，自己都可以有自己嘅人生，亦可以有個人成就或與別不同之處，女性絕對唔應該被年齡或性別所局限，多啲同朋友分享內心嘅想法，勇於改寫自己嘅命運。
改寫命運
SK-II呢套《I Never Expire》影片，女人睇完一定好有共鳴！以電腦特效將「 保存期限 」如同條碼標籤咁烙印喺女性嘅手臂上，完全表達晒社會加諸係女人身上嘅年齡壓力問題，女人好應該勇於掌握自己的命運，擺脫社會、家庭及朋友加諸於她們身上的「保存期限 」標籤。而多年來SK-II深信女性可以超越肌膚界限，無視年齡的範疇，助她們於成功的路途上，一直勇往直前， 努力為命運打拼。一齊來看她們的真實故事，高呼「I Never Expire」！
