【iTRIAL美評】豪敷黃金啫喱！ Utena薰衣草黃金啫喱面膜
聖誕節去咁多派對，皮膚仲係咁差? 點得呀。仲有幾日時間，當然要搵啱急救產品! Utena大受歡迎的日本面膜，以其超高保濕力的黃金啫喱，內有雙重透明質酸，贏到不少口碑。Utena面膜新出的限量版薰衣草黃金啫喱面膜，作為薰衣草迷的Tiff，當然要身先士卒啦。
Text: 師奶少女Tiff (IG: Cytfany/c9girl_tiff)
Utena薰衣草黃金啫喱面膜
價錢: $65/3pc@33g
平均價錢: $0.98/1g
產品類型: 保濕面膜
賣點:限量版薰衣草黃金啫喱面膜，注入來自北海道薰衣草的萃取，令面膜有濃濃的薰衣草香，心神放鬆。薰衣草精華更有效保濕、抗氧化、抗炎及美白的作用。不含合成香料、合成色素、礦物油、酒精、矽、紫外線吸收劑，容易敏感的你你你都用得。
小驚喜
由細到大都迷戀於薰衣草香的Tiff，一聞便知龍與鳳。打開包裝已經有一股幽幽的薰衣草香飄飄出黎，敷面的時候聞住香味更放鬆，好容易唔小心就瞓咗。
33g激多精華
這款面膜薄得嚟，多精華，敷咗30分鐘都未乾晒(所以我又敷多30分鐘嘻嘻) 敷完拆開包裝，其實唔係話成個包裝都一堆精華咁，但絕對足夠搽勻全身暗沉，當BODY LOTION都好嘛。
Utena薰衣草黃金啫喱面膜實測
貼面度:
4.5分
這款面膜有好多開口位畀你調校，多到連人中同鼻位都有得開，這點絕對值得讚揚(拍手)。但少少缺陷係鼻哥有位置都包唔晒，相對咁多唔同品牌的面膜嚟講，佢都算係貼架啦。
吸收度:
5分
啫喱狀精華令到面膜長期有一種冰冰的感覺，精華容易推開，又極快吸收。輕輕一推，拍兩三下都吸咗。敷完唔會成塊面黏黏的，我愛上這面膜了。
質地:
星星
黃金啫喱精華面膜望落去似嗰種，厚得嚟好黏的面膜。但係，大錯特錯啦! 係估佢唔到咁清爽。而面膜的材質亦係十分透薄，類似面膜紙的厚度。
總評:
星星
我係香味控，夠香已經爆分，仲要貼面同唔黏，喺我心目中已升為神面膜。最值得一提係價錢，雖然$21先一塊，其實$0.98/1g精華，所以唔浪費精華搽勻全身就抵番晒!
