【粉底筆】bareMinerals 礦物鎖水粉底筆 夏日水光奶油肌妝容 一筆擁有？ | iTRIAL美評
一直好怕粉底棒會比人一種厚重的粉感，所以一直都唔敢試。但今次bareMinerals新推出的Complexion Rescue Hydrating Foundation Stick SPF 25 礦物鎖水底妝棒令我好驚喜! 它採用了水感無油配方，絲滑乳霜質感可與肌膚瞬間融合，質感輕盈無重、絕不“Cake”粉，更可保持輕、透、薄妝容達 12小時。 講到咁勁，係咪真係咁勁呀? 就等我們iTrial美評測試一下它係咪真係咁輕盈無重啦！
Text: TiffanyC (IG: junhei_tiffany)| Editor: Tiffany Ng
bareMinerals Complexion Rescue Hydrating Foundation Stick SPF 25 礦物鎖水底妝棒
價錢：$300(全8色)/10g
平均價錢：$30/g
產品類型: 粉底筆
賣點 :水感配方注入來自濟洲島的火山泉水，蘊含大量對肌膚有益的礦物成分，配合補濕能力比透明質酸更強的紅海藻及萃取自橄欖的角鯊烷，有效為肌膚補水同時鎖住水份，一筆塑造透出水感光澤的無瑕美肌。
bareMinerals Complexion Rescue Hydrating Foundation Stick SPF 25 礦物鎖水底妝棒實測
一筆多用 – 除作粉底使用外，配以不同色調的粉底筆更可作修容或遮瑕使用！
1. 作粉底使用：只需於兩側面頰及額頭劃上一至兩筆，配上專用雙面無瑕氣墊粉撲由臉部中央向外以打圈方式輕輕印開，最後以定妝粉定妝，即可塑造持久貼服的無瑕妝容。
2. 作遮瑕使用：點於需要重點遮瑕的位置如黑眼圈、暗瘡印、紅印及膚色不勻位置，再以專用雙面粉撲的尖端輕輕印開，塑造完美遮瑕效果。
3. 作修容使用：選擇比膚色深二至三度的底妝棒，塗於腮骨、額頭兩側、太陽穴、鼻側等位 置，以專用粉撲輕輕印開，打造立體小顏效果。
易推度：
5分
粉底筆的質地非常易推，而且不厚重，輕輕一推已可完全推開，非常柔滑。只需將礦物鎖水粉底筆畫於臉上再以專用粉撲推開，即可輕易完成透薄底妝。纖幼筆身比起氣墊粉底、粉餅或粉底液更便於攜帶，適合隨時隨地使用！
雙面無瑕氣墊粉撲 –專為礦物鎖水粉底筆SPF25而設，獨特菱形雙面設計，可緊貼鼻翼、眼角等微細位置；透明矽膠一面可加強粉底遮瑕度；黑色海棉一面則可打造柔焦絲絨妝感，瞬間隱沒毛孔。兩面交叉配搭使用，輕易打造貼薄水亮妝容!
遮瑕度：
4分
中高的遮瑕度，雖然唔可以一層就遮掉所有瑕疵，但係可以層疊加強遮瑕度，基本上瑕疵都可以遮到6-7成左右。如果你好似我咁有個千年黑眼圈或比較深的痘印就需要另外用遮瑕膏啦！
持久度：
5分
混合性偏乾肌的我，係夏天差不多30度天氣下塗上粉底後，上了差不多8-9小時都係鼻翼位置有少少泛油，脫妝情況不算嚴重，只有輕輕出油，用紙巾輕輕一印便可，不用補妝，持久度好高！
總評:
4.5分
我好鍾意呢支粉底筆的質地，非常水潤易推，而且持久度又高，遮瑕度又唔錯。如果你同我膚質一樣的話，我相信會幾適合你，夠保濕又夠持久！它會係我今個夏天的首選！
