新登場！BABYLISS AIR WAND風筒、直髮器、造型器 三合一 魔髮捧
想每日都以靚靚髮型示人，又想中間轉下唔同look無咁悶。買埋買埋一大堆美髮造型工具，風筒、捲髮器、造型夾、直髮梳等等…屋企都就快無位擺，點算好？！最近美編就試咗BABYLISS新推出嘅AIR WAND，不論係用開美髮工具，定係新手都岩用！重點係風筒、直髮器、造型器三合一，乾濕兩用都得，適合所有頭髮類型，而且仲唔傷頭髮！
超驚喜！强勁快速乾髮效果
好多人都知吹髮會因熱力而傷害髮質，用BABYLISS AIR WAND就唔怕喇。內置高速數碼摩打，吹髮時間比傳統吹風造型器快兩倍，而且特設出風口，可輸出高效流暢嘅氣流，用精準熱力將濕髮快速吹乾兼定型，咁就可防止秀髮因過熱而受損啦！一共有3種風速﹑4種溫度設置，可乾濕兩用，適合所有頭髮類型。而且仲有記憶功能，貼心地幫你記住之前用過嘅溫度同風速，暫時亦係市面上同類型產品獨有架！
輕鬆打造 柔順水潤女神直髮
想變身女神，一把柔順、水潤嘅直髮唔少得！BABYLISS AIR WAND配有陶瓷直髮梳、柔順護髮刷毛，最啱朝早洗完頭直接濕髮一邊梳，一邊同時吹直，從髮根輕鬆梳出柔順直髮，仲唔傷頭髮添！
空氣感+自然捲髮無難度
想髮型有空氣感或者豐盈彈力嘅效果，只要換上帶有弧度嘅橢圓設計梳頭，就可以由濕髮到乾髮，一邊吹一邊捲，輕鬆塑造自然蓬鬆﹑捲曲效果。加上柔順護髮刷毛可以減少髮絲打結問題，而磨光刷毛仲可以令秀髮更有光澤添！
兼備護髮功能+抗毛躁
BABYLISS AIR WAND仲有嶄新極致嘅護髮模式，可做到冷熱風自動交替轉換，精確控制頭髮受熱溫度，咁就更有助溫柔呵護敏感頭皮同髮絲啦！除此之外，先進嘅雙極離子系統結合正負離子，可雙效消除頭髮毛躁同埋開叉問題，令頭髮更健康，唔使做treatment都有絲滑水潤髮質，同埋亮麗光澤感啦！
BABYLISS AIR WAND以完美人體工學設計，拎上手輕巧，外型時尚高級，加上三合一又夠晒方便，性價比超高！真係好想即刻買返屋企用呀！
以上產品於各大零售商有售，包括豐澤、崇光百貨、HKTV mall、YOHO及澳門新八佰伴等均有發售。
(Presented by CONAIR)
