網購妝物無難度！ 記者教路 首爾網購 4大心得
有時睇IG，發現不少韓妹追捧的新興韓牌都沒有實體店，想買嚟試唯有靠網購！ 首爾網購 絕對是近年年輕人的最愛，不少超人氣品牌暫時都只有網店，由於沒有租金壓力， 網購妝物絕對平靚正，而且款式新奇功效多多，就如AprilSkin、Daltoni、Suskin等都是近期大熱，但作為遊客， 網購有難度嗎？A君成日去首爾，主力介紹韓國妝物，自然有網購經驗，可以話俾大家聽，其實無難度，不過一定要留意送貨日期、運費等小陷阱避免中伏，今次公開4大網購心得，去首爾旅行前睇睇，上網做做Research，睇啱心水即落單直送酒店，好方便！
Source: Gotrip
01| 計清楚送貨日期
韓國網購送貨速度其實好快，平時星期一至四中午落單，一般隔日就會發貨兼送到指定地址！為免送去酒店無人收貨或太遲落單拎唔切，一定要叫清楚送貨日期！以5日4夜行程為例，個人建議第一日落單，咁就包保送到酒店時職員會收貨！
02| 認住「무료배송」4個字
其實不少品牌只要買滿特定金額，都會免運費！不過真心建議先買一、兩支試用，始終無實體店測試，買完但唔適合自己皮膚就只會浪費！不妨記住「무료배송」4個韓文字，網頁上見字代表免費送貨呀！
03| 一定要留意可否信用卡付款
購物前，記得要去睇睇付款方法！暫時還有一些品牌只接受過數，想買唯有叫當地朋友仔幫忙去銀行入數，為免睇啱心水最後買唔到，記得Check清楚！
04| 善用國際轉運服務
大型網站如G-market、11st、Lotte等都有國際貨運功能，可以直接送到香港，但如果想買小眾品牌，就可以用國際轉運服務，找當地公司幫忙收貨再送回香港，現時香港只有公司提供類似服務，大家想 網購不妨留意吓！
