閨蜜 孖住靚「海陸Home」默契旅行造型
Text｜Candy Choy
呢排咁多二人同行平機票優惠，係咪即刻好想約你嘅 閏蜜 去返轉旅行差差電呢！去日本shopping？台灣食食食？韓國搵oppa定泰國陽光與海灘？去邊都好啦，同得 閨蜜 去，去邊度都可以好開心，但有樣嘢可以令你哋嘅旅程更盡興，就係約埋襯「 閏蜜 look」喇！試諗吓，大家唔係撞衫，係襯個襯絕嘅look，咁就去到邊影相都咁靚啦！
海邊篇
夏天最好出海，同 閏蜜 去，襯晒look，一定最吸睛！身形差唔多，可以齊齊show，齊齊想顯瘦就揀長袍玩飄逸，一肥一瘦，可以同print，但肥嘅揀有裙邊款遮下身，瘦嘅冇胸著花啲嘅圖案、款式嘅top，總之要顧埋 閨蜜 感受，就唔驚去完旅行反目啦！
陸上篇
去短途旅行，大家都唔想帶咁多嘢，所以幾件易襯must have 係必備，如白色、牛仔、items，連身裙，仲有波鞋，布鞋、太陽眼鏡、帽同齊齊增高嘅厚底鞋等， 閨蜜 look 簡單就襯好，起程！
