機會嚟啦！「買」舊迎新必去明星二手 年宵 市場

Text｜Candy Choy

每逢新年前夕人人都爭住去湊熱鬧行 年宵 ，迫住人疊人咁行，仲要買買埋埋一堆唔等駛嘅公仔、咕?等返屋企，到頭來咪又係棄置喺屋企！行厭咗一般 年宵 ，今年就有好地方俾你以劈價買潮服潮物，以下嘅pop-up二手市場，有大量明星、stylist、潮人等名牌items，仲要喺正新年前夕搞，實行做個時尚 年宵 ，想尋寶？「機會嚟啦，飛雲！」

慈善潮市

玖玖Ninety Nine Vintage Pop-Up Store

新年唔一定要買新衫，都可以學下明星捐衣物順便幫屋企大掃除清理一下衣櫃，又或者慳下錢去二手市場掃又靚又筍既服飾。由本地星級stylist 馬天佑創立的新團隊KOL Base今年首次搞明星二手衫慈善義賣，帶動一班明星型人捐出衣物，包括 Twins、林峯、吳千語、Yumiko、DJ少爺占同Donald等，當中有唔少名牌潮牌如Hermes、Chanel、Saint Laurent、Gucci、Raf Simons、McQueen….低至幾十蚊都有！呢次慈善義賣獲得的善款介會捐贈5%俾樂施會，執到好貨又可以做善事，仲唔即刻同朕check下啲items！

Twins

千語BB多靚衫

必check推介

其他筍貨~~

Ninety Nine Vintage Pop-Up Store

日期：二月三日-二月六日

時間：12:00noon – 9:00pm

地點：上環荷里活道218號LIGHTSTAGE

付款方法：AE, VISA, MASTER, EPS及現金

next page> 想買天后潮衫去邊好？

Joey、潮人潮服晒冷

KNIQ

KNIQ本身係本地上樓潮店，一直有好多星級常客好似Sammi、Wyman等，專攻偏鋒前衛時裝品牌，佢地已經唔係第一次搞明星二手衫市場，由於次次叫好叫座，臨近新年決定再搞成個星期既二手市場，做開潮brands，搵嚟既明星當然都係數一數二既潮人，當中就有天后容祖兒、薜凱琪、陳慧嫻、麥浚龍、鄭融等，當然唔少得夠牌、潮牌，所有items近乎係原價既一折，最重要係明星既items通常都只係著過一、兩次，又有專人清潔，直頭新既一樣點忍先？即刻約班friend去當行 年宵 啦！

next page > 仲有好多靚衫、靚飾….

新淨配飾

KNIQ明星二手衫

日期：2月1日至2月6日

時間：2pm-10pm

地點：銅鑼灣百德新街55號華納大廈4樓B室(銅鑼灣地鐵站B出口)

電話：2881 7903

付款方法：現金，*EPS及信用咭需購物滿$,1000或以上，另收手續費)

next page >買左二手鞋點清潔？

去潮 年宵 兼洗鞋

衫可以搵洗衣店洗，二手鞋又應該點清潔？唔駛用劍既，介紹番，用Reshoevn8r (R8)洗鞋神器就得啦！唔單只可以洗波鞋，仲可以洗麂皮、漆皮…咩料既鞋，一樣都清潔得乾乾淨淨，連手袋都可以用佢清潔架！如果你仲未知點清潔，唔緊要，去一連兩日既Milk Mart II，搵R8 既攤位，佢地有專人講解，仲可以即時排隊幫你清潔埋對鞋，唔駛再驚二手鞋唔乾淨啦！Milk Mart II有波鞋、時尚名物、玩具、相機、電玩、黑膠、古董家具、丹寧、古著、花藝、陶器、文青手作及輕食等各式各樣攤檔，仲有表演睇，年廿八仲開到零晨一點，識揀一定揀去呢度行 年宵！

Milk Mart II

日子及時間：2月6日 2pm-1am
2月7日 1pm-11pm
地點： 中環民光街33號香港摩天輪下 （免費入場）