愈迷你愈有用？人氣 mini bag 靚住上機
Text ｜Candy Choy
有冇發覺次次去親旅行，喺機場又要拎行李，又要拎hand carry，如果仲要拎埋個大手袋，到過關時永遠手忙腳亂？其實你果時最需要嘅隨身物，只係銀包、電話同passport，最多俾埋粉盒同唇膏你喇，都唔係需要好多位啫，點解要再拎住咁大個手袋先？由春夏開始，唔少品牌都出咗 mini bag，最緊要係有條肩帶或者長身嘅手抽帶，方便你掛個袋喺身，袋身mini 得黎其實容量都夠駛，唔似得去年秋冬興果啲冇肩帶嘅micro bag，細到真係唔知可以放咩咁！去旅行拎住個靚靚 mini bag 放晒重要items，細細個冇咁易俾人開袋偷嘢，用肩帶又可以騰空雙手輕鬆shopping！
街拍達人齊撐 mini bag
其實好多 mini bag 都係的骰得黎內裡的容量都唔小，起碼厚銀包、電話呢啲一定袋得落！想安全，可以教短肩帶再打斜用，貼近自己隻手就更安全喇！又可以拎住或圈住個手抽位喺手腕，一樣有型又安全。
秋冬預覽 繼續迷你
Mini Bag 嘅熱潮去到今年秋冬都仲未完，唔少品牌都繼續推出別緻嘅 mini bag，大可以大量入手，仲有肩帶又有手抽，有啲仲教你點將條長肩帶圍住手腕，翹實就唔驚俾人偷嘢喇！
