團結！齊來加入時尚 迷彩 軍

Text ｜Candy Choy

《太陽的後裔》終於都要大結局啦，雖然未結局前已經傳劉大尉(宋仲基)會死，但係真係假要今晚先知！睇咗咁多集，我諗大家都會軍人上身，成日嗌佢地嘅口號「團結」！要向劉大尉致敬，除咗嗌口號，仲要學埋佢著軍服先夠「團結」嘛！查實女仔著迷彩軍服唔一定係男仔頭，冇人叫你好似尹醫官(金智媛)咁全身 迷彩 look，識得襯，其實 迷彩 都可以好有型，好迷人！

團結！「太陽粉」喪玩 SNOW app 扮劉大尉

韓國相機app 都有加入《太陽的後裔》熱，整咗個「團結」軍look 相框同動作框，最正係成套 迷彩 軍裝、太陽眼鏡、軍帽，就連隻「團結」手都有齊，笑死！

型女示範潮著 迷彩

要玩 迷彩， 可以從 迷彩 褸入手，想女仔少少，可以加啲feminine 嘅後古風飾物，如金屬brooch，又或者揀有花朵紋、拼色等效果點綴嘅 迷彩 褸，又或者下身配襯返feminine嘅items如長裙、百褶裙等，更可以揀 迷彩 裙款，配high heels即刻令 迷彩升級！

NG 迷彩 Look示範

迷彩 圖案本身已經花，所以切忌再襯唔同pattern，花到嚇死人！唔好以為襯好色就冇事，你睇下面幾位女士著到幾驚！千奇咪學呀！

迷彩 褸要揀oversized

今季要著 迷彩 褸，最好揀oversized，因為咩？型囉！玩呢類中性style唔好諗住揀feminine嘅褸款喇，要feminine就情願你玩mix and match，配返啲裙、高跟鞋咁，再唔係就跟下頁索性著 迷彩裙，式者戴其他 迷彩 配飾，一樣夠「團結」味。