【小資女速成】輕鬆儲錢冇難度虛擬銀行Mox助妳告別月光族

Nov 6 2020

個個都想做小資女，但又敵不過季季出新衫、新手袋都想換依啲消費誘惑，平日下午茶又飲一杯珍奶……去到月尾先發現啲錢唔知用咗去邊，咁嘅習慣點先可以由月光族變身小資女呀？！依家要救救銀包仲嚟得切，睇睇以下嘅虛擬銀行介紹，一個手機App就可以睇晒個人消費習慣，又可以設定每日消費上限，限制過度消費，一步建立良好理財習慣！

1. 個人化制定訂立理財目標

相信大家都經歷過，打開信用卡月結單嗰刻都以為自己眼花！明明平時好似冇乜點買嘢，點解卡數會咁貴？！如果冇清晰記帳嘅習慣，又唔清楚自己消費習慣，好容易過度消費，次次去到月尾都唔知自己啲錢使晒去邊！

呢個時候，虛擬銀行Mox幫到你！Mox會自動將消費分類，開支分佈一目了然，等你了解自己消費習慣。知道自己邊個範疇使費最大之後，例如：購物消費、飲食及交通等，大家就可以對症下藥，計劃消費，減省不必要支出。養成良好理財習慣，儲錢冇難度！

2. 制定消費上限避免衝動消費

衝動就係邪惡嘅根源！再加上冇計劃每日消費上限，好容易越買越多，到找卡數嗰陣先知錯！想改善，就需要實行「目標為本」嘅消費方式，制定必要使費並設置支出上限。例如今個月想買手袋，計劃好支出後就要限制其他衝動消費，控制自己唔好使突。

講就好似容易，但點樣實際執行？Mox Card可助你養成「有幾多使幾多」嘅概念。Mox Card其實係Debit card（扣賬卡），大家只會用到存喺戶口嘅金額，而且用家亦可以喺App內設定消費上限，咁就唔怕一時衝動使多咗啦！

3. 想慳錢又想消費需要留意優惠動向

偶爾想買多啲嘢獎勵自己，同時又想賺錢？兩者可以兼得嘅！一於善用Mox嘅消費優惠，用Mox Card喺指定商戶消費可享高達5%回贈（最多可獲HK$1,000現金回贈），當中包括日本Amazon（Amazon.co.jp）及HBX；用Mox Card喺其他地方消費都有1%無上限現金回贈，所有現金回贈會自動入返戶口，係現金，唔係需兌換嘅積分！又抵又方便！之後有啲咩Black Friday優惠，都記住用Mox Card就可以精明消費，真正一邊使錢但又一邊賺盡回贈！

4. Mox 存款特別優惠日日有利息

一個名牌手袋至少都萬幾蚊起跳，想儲一筆錢買靚袋都算係「長期抗戰」！呢個時間，你可以喺Mox建立「目標」戶口，寫低目標名「新手袋」，然後加埋手袋嘅相激勵自己。設定目標後，你就可以訂立目標儲蓄金額，例如總數HK$20,000。然後，你亦可以自訂存款規則，如每日一次、每月存款一次。定期入錢落戶口，積少成多，望進度條你就知買新袋指日可待啦！

講到利息，虛擬銀行Mox有別於一般傳統銀行，大部分傳統銀行活期存款年利率都只係得0.001%，一個月先派一次利息；而Mox嘅活期存款年利率有成1%，仲係日日有息收，一年最高可以收大約HK$10,000利息，每日都會睇到戶口入面嘅錢積少成多咁慢慢滾大。例子就係入HK$25,000落戶口，其實一個月都已經收返大約HK$20利息，夠飲返杯咖啡啦！