米芝蓮三星廚 朱古力Afternoon Tea登港

Edit| Manda
Alain Ducasse是以法國菜獲米芝蓮三星的，原來他在兩年前已染指朱古力界，夥拍法國朱古力大師Nicolas Berger 在巴黎開設自家品牌朱古力店Le Chocolat du Alain Ducasse，旋即成為人氣熱捧朱古力店，不少日韓女生更慕名遠赴巴黎一嘗滋味。

今次香港洲際酒店的Alain Ducasse Chocolate Tea Set是Ducasse朱古力首度離開本土之作，將四款來自不同國家的可可豆做的converture chocolate（即預先混合好的已調溫朱古力塊），交來給香港餅師將其混合成75%的黑朱古力，用其創作出三款不同場甜品。

登陸香港更化身為期間限定Afternoon tea set，包括朱古力慕絲、極濃白朱古力配macaroon及朱古力配熱情果蛋糕! 供應期至1月31日，要食快手喇!

(左)栗子小蛋糕，造形帶和果子色彩。
(右)極濃朱古力餅配macaroon，朱古力滲出陣陣果香味，味濃但不覺澀。

(左)朱古力慕絲面配上朱古力絲，令味道和口感都更富層次。
(右)椰子、香茅忌廉蛋糕(前)及鵝肝燉蛋配迷你朱古力杏仁餅(後)。

(左) 想吃到巴黎總壇的朱古力真味？享用tea set加$80就可以享用到Le Chocolat du Alain Ducasse的Chocolate Bonbons四片，包括秘魯原味純黑朱古力及香草味純黑朱古力，同樣是首次離開巴黎本土供應。
(右) 紅桑子芝士蛋糕雖然略酸，配英國紅茶卻成為絕妙配搭。

(左)餅師特別做了限量薑味鬆餅，提升了節日氣氛。
(右)波士頓龍蝦配香辣牛油果菊苣菜 (前)，爽口鮮甜及煙薰三文魚韃靼三文治(後)。

香港洲際酒店大堂酒廊
地址：尖沙嘴梳士巴利道18號
電話：2313 2323
收費：星期一至五 $578/2位；星期六及日 $598/2位（_另加一服務費）
*供應期至2015年1月31日