日本便利店

1-2月日本便利店限定！遊日必搶6款新品 桃味可樂、櫻花版啤酒、限定薯片

生活品味
Central Editor More

遊日本每晚返酒店前，總要逛一轉日本便利店，行完Lawson都要行埋7-Eleven，搜刮最新零食飲品。1月天氣咁凍，多款新口味雪糕、汽水無懼天氣新登場，人在日本當然要試！

Text: fancare | Edit: Christie Lau | Sources: GoTrip

1-2月日本便利店限定！

1. 櫻花mochi、栗子紅豆 Häagen-Dazs

每年冬天最期待的「華mochi」Häagen-Dazs，今年再進化，新出口味是栗子紅豆和櫻花味，中間加入軟糯年糕，和風味十足！最可惜2月27日才上市，農曆年去要飲恨！

2. 綾瀨遙代言 桃味可樂

繼去年推出咖啡味可樂之後，日本可口可樂搵到綾瀨遙代言全新口味桃味可樂，味道應該唔會太怪異啩！新品1月22日登場

3. Hershey’s Cookies & Cream布甸／卷蛋

Hershey’s今個月推出大量日本版甜品，除了朱古力泡芙、朱古力銅鑼燒之外，Cookies & Cream口味布甸最有驚喜，除了曲奇忌廉外，還有焦糖加在雞蛋布甸上，聽到呢個組合就想食！另外便利店仲有Hershey’s朱古力卷蛋，朱古力控必check！

4. 櫻花版啤酒搶先登場

Asahi搶先1月30日將會推出2款限定版櫻花罐啤酒，據統計，櫻罐吸引大量女生買嚟飲，未到櫻花時節都可以攞住粉紅罐打卡！若不愛濃烈啤酒味，女士們可以一試櫻之宴淡口啤，一樣可以逢春㗎！

5. 固力果草莓芝士蛋糕

固力果新推出的杯裝芝士蛋糕系列，第一款口味是當造的士多啤梨，底層是香醇芝士蛋糕，中層是草莓芝士味雪糕，頂層加上士多啤梨曲奇碎，令人忍唔住要試。

6. 極濃明太子味卡樂B薯片

18年1月新口味薯片，有卡樂B的明太子味，微辣鹹香超惹味！只限便利店發售，賣到2月底咋！

有什麼餐廳適合慶祝生日或週年紀念？

香港其實有很多特色餐廳，即睇：打卡餐廳Cafe推介／海景餐廳推介／香港酒吧高質推介，適合打卡，又是情侶拍拖、慶祝生日、紀念日，甚至閨蜜聚會的好去處！

有什麼拍拖好去處推介？

情侶約會可以去這拍拖好去處，既玩味又能滿足女生愛打卡的要求。在特別日子到影相好去處拍照留念都是很好的選擇！另外也可到Art Jamming、Tufting，最後可以去按摩店放鬆身心。

你可能也喜歡

Recommended