香港7大睇日落秘境！浪漫拍拖必到打卡地 與愛人分享最美落霞
今年疫情影響下又未必有得外出吃燭光晚餐，在苦惱應該去那裏渡過佳節的話，去看日落絕對是一個不錯的選擇！是若果不想再去那些行山熱點和西環碼頭，又想避開人群的話，不妨考慮一下以下7個睇日落的秘境，盡情帶你的愛人與夕陽美景拍照啦！
香港日落秘境
香港日落秘境1.下白泥
相信香港人對下白泥都唔陌生，這是新界最西面地方之一，出名可以看到靚日落！有體力嘅話，仲可以由屯門良田坳行入去，路程大約兩小時，沿途風景都好靚。
不過下白泥交通就比較不方便，目前只得33號小巴來往元朗與下白泥。日落之後，排隊等小巴人龍絕對把你嚇倒，而且20分鐘先一班車，記者試過足足等了兩個鐘才上到車！
交通：★☆☆☆☆
難度：★☆☆☆☆
靚景指數：★★★★☆
香港日落秘境2.機場維修區
另一個少有可以看到太陽從海平面消失的地方，沒有高樓大廈遮掩，只要天氣符合預期，就可以影到靚靚日落！除咗日落之外，仲可以近距離睇到飛機升降。
記者當日由東涌踩單車到機場維修區，都只是大約1小時，不過只有大約一半路程有單車徑，接近飛機維修區嘅路段都要踩馬路或者行人路，記住要注意安全。如果唔想踩單車，亦可以在東涌搭S52巴士，班次也算密。這是草地也可以影到很多美照～
交通：★★★☆☆
難度：★☆☆☆☆
靚景指數：★★★★★
香港日落秘境3.南朗山
海洋公園就去得多喇，附近的南朗山你又去過未？以黃竹坑巴士總站起點，15分鐘就可以去到南朗山休憩公園，再行45分鐘就可以到達山頂停機坪。近至深灣、海洋公園，遠至南丫瓜、鴨脷排、香港仔避風塘的景色都可以盡收眼底！
交通：★★★☆☆
難度：★★☆☆☆
靚景指數：★★★★☆
香港日落秘境4.蛇嶺
近年先開放的蛇嶺，以往一直都是邊境禁區，所以識得前來的人並唔多，由馬草壟軍營小巴站行到山頂，都只是需要45分鐘，這個毫無阻擋的小山丘，絕對是睇日落的好地方！
除咗日落之外，夜景亦都好吸引！
交通：★☆☆☆☆
難度：★★☆☆☆
靚景指數：★★★★☆
香港日落秘境5.九龍炮台山/魔鬼山
這個炮台山並不是在說港島線港鐵站的炮台山，而是油塘附近的炮台山，又稱魔鬼山。由油塘港鐵站一出，往鯉魚門邨方向，經衛奕信徑第三段就可以到達炮台山，呢度絕對係睇維港景色嘅九龍區代表！
交通：★★★★☆
難度：★★☆☆☆
靚景指數：★★★★★
香港日落秘境6.鯉魚門三家村
鯉魚門三家村位於油塘及鯉魚門之間，油塘站步行15分鐘即可到達，附近有石礦場、石灘和燈塔的打卡位，黃昏時間可到碼頭或燈塔欣賞落霞，日落再配上避風塘漁村風貌，特別寫意。
交通：★☆☆☆☆
難度：★☆☆☆☆
靚景指數：★★★★☆
香港日落秘境7. 荃灣海濱公園汀九橋
從荃灣海濱公園向西望，就可以看到太陽會剛好落在汀九橋後，而日落與大橋的斜拉索相互交疊，構成獨特的風景線，特別浪漫！若果想走近日落一點，還可以搭巴士到位於汀九橋左側的近水灣泳灘，都只是需要20分鐘車程，絕對值得一去！
有什麼餐廳適合慶祝生日或週年紀念？
香港其實有很多特色餐廳，即睇：打卡餐廳Cafe推介／海景餐廳推介／香港酒吧高質推介，適合打卡，又是情侶拍拖、慶祝生日、紀念日，甚至閨蜜聚會的好去處！
有什麼拍拖好去處推介？
情侶約會可以去這拍拖好去處，既玩味又能滿足女生愛打卡的要求。在特別日子到影相好去處拍照留念都是很好的選擇！另外也可到Art Jamming、Tufting，最後可以去按摩店放鬆身心。
