Text：Cynthia | Photo：新傳媒資料庫｜Source：新假期 | Edit：venusos

香港冬天凍過日本 5大令人懷念的溫暖位

#01 溫暖的廁板

天氣一凍，去廁所就會變成一件非常痛苦的事，每次都要鼓起勇氣坐落凍冰冰的廁板上！呢個時候就會非常懷念日本，日本的大部分廁板都有預熱功能，坐上去暖暖的好舒服！

#02 自動販賣機有熱湯！

香港嘅自動販賣機向來都只有凍飲，近年7-11/OK 便利店好咗少少，終於有個櫃可以買到暖飲，但無論如何都比不上日本的自動販賣機！四圍都見到，有大量好飲熱湯，當中必飲的粟米湯有粒粒粟米，飲完成個人都暖晒！

#03 四圍都有暖氣

冬天的時候，好多香港店舖、屋企都未必有暖氣，行入室內都依然有種凍冰冰的感覺！暖氣幾乎係日本每家每戶的必備物品，連地板都暖笠笠，喺戶外玩到凍，就可以即刻入便利店保保暖！

#04 乾凍VS濕凍

好多人都會覺得香港幾度都已經比日本的負十幾度凍，其中一個原因，就是香港濕氣比較重，屬於濕凍，所以一有風或者落雨，就會凍到入骨！相反日本只要有衣物遮擋，就唔會被冷空氣入侵，所以就無咁凍啦！

#05 瘋狂浸溫泉

每次冬天去日本的指定動作，就是浸溫泉！想日浸夜浸首選溫泉旅館，而日本亦有大量溫泉浴場，以東京為例，就有足足7百多間，幾乎係總有一間喺左近！