激安批發價! 編輯部推介日本10大零食

觀塘工業中心三期地下的28 Food，面積達2,000呎，零食都分門別類放好，還可以買到即食麵、調味醬油和少量雜貨！不過買前要留意，價錢原價、會員價和批發價，會員價比街外平2成，但要買滿300元才能成為會員，批發價即是整箱買，價錢最低，如同班姊妹shopping，不妨大量入貨再Share。當中好多零食都甚少在香港街頭見到，等我帶大家睇下。

1. 超可愛! mini Pocky百力滋( 咖啡朱古力) 原價$12.5 / 會員價$11 / 批發價$9.4

好可愛包裝，細細包，食少少唔怕肥，加上是特別的咖啡朱古力味，口味特別，巧克力味濃！

2. 平到笑! 士多啤梨燒魚餅批 (原價$12.5 / 會員價$5.3 / 批發價$4.5)

有我手掌般大的燒魚餅批，大大分，而且入口香脆，中間是士多啤梨cream，外脆內軟，價錢都是$4.5，好有小學生去零食部買小食般平的感覺。

3. 超濃芝士味！脆脆圈 (原價$9.8 / 會員+批發價 $20/3包，平均一包$6.7 )

這個真心食到停不了嘴，每個脆脆圈都吃到濃郁芝士味，$20/3包仲可以搭單買其他口味，如燒章魚丸子味等，少少重口味，但真心超好吃。

4. 牛奶妹 x Hello Kitty 聯手推! 宇治抹茶棒棒糖 (原價$19.5 / 會員價$17.1/ 批發價 $14.6 )

恕小編直言，我是因為可愛的Hello Kitty而買! 好美的包裝! 大包裝內有15枝棒棒糖，勁多，而且糖印有牛奶妹手掌，太搞笑! 抹茶牛奶味很濃，而且不是太甜，不錯喔~

5. 泡菜豬肉都有? 格格脆 (原價$12 / 會員價$10.5/ 批發價 $9 )

小心，泡菜味勁，所以薯片很辣，不過幸好薯片質地夠厚，食落有口感。不吃辣，都可試另一款的黑椒牛扒味，味道特別，其實不像牛肉味。由於坊間小見，所以小編帶它回公司時，同事們都爭相試食，頓時覺得自己好有面子。

6. 粒粒西瓜軟糖 (原價$11 / 會員價$9.7/ 批發價 $8.3 )

小編好愛食軟糖，坊間見到的軟糖在這店都找到，可稱上軟糖天堂，當中這個西瓜軟糖亦是我首見，形狀如切片西瓜，食落還啖啖西果汁味，正！

7. 超罕見！綠茶味粒粒Oreo (原價$10 / 會員價$8.8/ 批發價 $7.5)

之前吃過Green Tea Latte 味，今次寫明宇治茶！香脆朱古力餅內夾著滑溜的綠茶忍廉，可惜朱古力味較搶，蓋過綠茶，但勝在十分小巧，一啖一粒，完全不怕沾到唇膏。

8.食到流眼淚！Wasabi 芝士餅 (原價$13.8 / 會員價$12.1/ 批發價 $10.4)

小編一直好愛日本Ritz 推出的芝士餅，之前極度喜愛它的黑松露味，今次試Wasabi 芥末味，一打開包裝已聞到撲鼻的芥末，越食越辣

9. 搶手! 牛油蜜糖薯片 (原價$11.5 / 會員價$10.1/ 批發價 $8.6)

超薄！超脆！牛油味香濃，只可惜小編麻麻地甜薯片。

10. 新加坡特產! 合味道喇沙杯麵 (原價$18 / 會員價$15.8/ 批發價 $13.5)

以後小編不用再托朋友幫我買了！這款喇沙杯麵向來超受歡迎，湯底超香味濃，加上麵上還吃到粒粒小蝦，正！

INFO

28 Food

地址：觀塘觀塘道448-458號觀塘工業中心三期B3地下

電話：5377-5375

營業時間：星期一至六10am-9pm，星期日及公眾假期11am-8pm

零食批發