【父親節禮物首選】許廷鏗自爆「冧爸神器」原來靠呢樣！姜麗文、吳偉豪同樣力推Philips頂級電鬚刨打造0距離親子關係！

Jun 10 2023

明白年紀愈大同爸爸嘅距離好似愈嚟愈遠，但同時又想對爸爸表達愛意，感謝佢為家庭所付出嘅一切，最好就梗係趁父親節為爸爸滿滿愛意啦！不過送銀包、手錶又怕爸爸唔啱用會造成浪費？咁不如為爸爸送上貼心又「貼面」嘅頂級禮物，藉此拉近父子、父女之間嘅距離，就連Alfred許廷鏗、Lesley姜麗文、Ricco吳偉豪都忍唔住將呢份頂級禮物送比爸爸，咁大家就知有幾正啦！

Philips 真實用家Alfred許廷鏗「闊佬」送禮為爸爸送上頂級剃鬚享受

一向出名要求高嘅Alfred喺挑選父親節禮物上當然唔會孤寒，尤其細細個爸爸經常孤寒自己、闊佬個囝，而家大個咗有能力梗係要為爸爸送上高質禮物孝敬吓佢啦！充滿心思嘅Alfred表示送禮物除咗要夠實用之外，最緊要送一份對爸爸有意義嘅禮物，咁先至夠驚喜㗎嘛！經過一番深思熟膚，作為Philips忠粉嘅Alfred就趁今個父親節特別為許爸爸送上Philips S9000 Prestige電鬚刨，原來因為許爸爸同樣係Philips真實用家，而Alfred第一個Philips更係許爸爸送比佢，相信今次許爸爸收到Philips S9000 Prestige電鬚刨唔單止可以享受到頂級剃鬚享受，更加會對今個父親節更加難忘！

電鬚刨可以話係每位男性不可或缺嘅產品，要每日Keep住「皮光肉滑」零鬚根就絕對唔可以無佢嘅幫手！貼心嘅Alfred仲考慮到許爸爸鍾意朝早一邊唱歌一邊剃鬚，所以精心為佢送上配備頂級數碼摩打嘅Philips S9000 Prestige電鬚刨，事關佢轉速極快之餘，無論係任何面形又或者鬍鬚密度都可以精確修剪，就算遇上刁鑽難剃位置同樣可以輕鬆剃淨，咁許爸爸就算唱住歌嘅剃鬚一樣可以剃得乾乾淨淨啦！

長時間分隔兩地都唔怕！即跟Lesley姜麗文學一招締造「0距離」父女關係

呢幾年因為疫情關係、移民令唔少人都同爸爸長時間分隔兩地，不過距離遠唔代表關係都會變得疏遠，只要有心一樣可以維繫到0距離嘅父子關係㗎！被喻娛樂圈嘅「模範父女」Lesley姜麗文同爸爸秦沛就係最佳例子，事關近年Lesley就留喺香港為事業打拼，而爸爸就喺加拿大享受退休生活。不過就算兩父女長時間分隔兩地，二人嘅感情依然相當親密，Lesley就指除咗經常會同爸爸視像傾偈維繫父女關係，近日仲用咗準備咗至Sweet禮物去冧爸爸，提早同佢慶祝父親節𠻹！

原來貼心嘅Lesley趁今個父親節為爸爸送上Philips頂級電鬚刨去感謝爸爸多年嚟嘅付出，除咗希望呢份禮物可以代替自己「0距離」咁陪喺爸爸身邊，更重要係Philips S9000 Prestige電鬚刨備有納米科技雙層精鋼刀片每分鐘達165,000 次切剃，可以徹底剃走鬍鬚，締造舒適又超貼面「0距離」剃鬚效果，等爸爸可以Keep住有型嘅巨星爸爸形象！

與爸爸角色對調「朱Ling」吳偉豪為爸爸塑造最佳形象於音樂路上追夢

年輕時追夢唔容易，年紀漸長時繼續追夢就更加係難上加難。有睇《中年好聲音》嘅朋友相信都對「吳大強」呢個名唔陌生，吳爸爸由細到大都無條件咁寵壞Ricco，而每逢大時大節Ricoo想幫爸爸慶祝，爸爸總會話唔好花錢慶祝，不過做囝嘅當然知道爸爸慳埋慳埋就係希望將最好嘅留比自己，所以而家大個囝嘅Ricoo當然要好似以前爸爸寵自己咁寵返爸爸啦！為咗支持爸爸於音樂路上繼續追夢，Ricco就為爸爸送上Philips頂級電鬚刨，希望藉着行動去話比爸爸知追夢路上自己並不孤單，而係有自己在旁支持，就好似細個爸爸做「燈神」滿足自己唔同嘅願望，而家就輪到Ricco調返轉滿足爸爸嘅需求喇！

正所謂頂級爸爸當然要配上頂級禮物，今次Ricco就為爸爸送上Philips頂級系統S9000 Prestige電鬚刨，佢獨有嘅Hydro SkinGlide塗層防敏設計可以減低剃鬚時造成嘅磨擦，溫和剃淨鬍鬚之餘亦不傷膚，唔使再擔心每次剃鬚過後都會皮膚敏感出現紅腫，咁就可以輕鬆為爸爸打造完美形象，以最靚仔嘅姿態示人啦！