花膠雙製法 啫喱凍食及糖水熱食

Text| Yoko Tsang
Edit| Mabel

轉天氣時，很容易氣管不順及出現皮膚過敏？含豐富蛋白質及膠原質的花膠，不但可令肌膚保持Q彈，更有滋陰潤燥的療效，對滋養氣管及紓緩過敏有很大幫助。當然花膠亦絕非仙丹，價格亦非親民，所以不妨一試冷、熱雙製法，既可雪凍成啫喱，亦可熱食變糖水，一次過做足5日的份量，美顏功效自然更顯著！

材料：（五天份量）
花膠 3隻（扎膠公）
雪耳 1隻
杏仁 半両
冰糖 少許
紅棗 6粒
圓肉 8粒
杞子 半支切細條

啫喱製法
1. 水加薑滾起後放入花膠浸發，汆水十分鐘辟腥，熄火蓋上焗十五分鐘至其變軟，再放入室溫水浸一小時發大備用。
2. 洗淨圓肉、杞子、雪耳及紅棗（剪半去核）備用。
3. 將花膠、雪耳、紅棗及圓肉加入1.6公升凍水後煲四十五分鐘，大火滾起收中火煲至約剩一半水分，最後十分鐘才加入杞子和杏汁。
4. 取出所有材料剁碎（棄掉紅棗，因外皮較硬），放回水中滾起熄火。
5. 待涼放入盒中，冷藏約五小時，即凝固成啫喱狀。（供連續五日/每日一次食用分量）

杏汁製法
1. 將冰糖加水煮溶，把糖水與杏仁齊放入攪拌機打磨，成為杏汁。
2. 將杏汁倒入魚湯袋，過濾兩次，清走顆粒。

窩心提示
• 做啫喱選用小片「扎膠公」便可，約$680半斤/ 約廿隻，用三隻足夠做一盒啫喱了。
• 買扎膠，要公唔要乸，較有咬口，不易溶爛！

Yoko推介食用方法：「每次切一磚分量直接品嘗，或將其加熱飲用。建議連續五天早上空肚吃，營養就最吸收。加鮮磨杏汁更有天然美白功效，持之以恆，皮膚有彈性，皺紋no way！」