美國Emack & Bolio’ s 層層疊雪糕

Q: 有什麼餐廳適合慶祝生日或週年紀念？

香港其實有很多特色餐廳，即睇： 打卡餐廳Cafe推介 ／ 海景餐廳推介 ／ 香港酒吧高質推介 ，適合打卡，又是情侶拍拖、慶祝生日、紀念日，甚至閨蜜聚會的好去處！

Q: 有什麼拍拖好去處推介？

情侶約會可以去這 拍拖好去處 ，既玩味又能滿足女生愛打卡的要求。在特別日子到 影相好去處 拍照留念都是很好的選擇！另外也可到 Art Jamming 、 Tufting ，最後可以去 按摩店 放鬆身心。

Oct 31 2015

Text |Carrie
波士頓除咗龍蝦之外，另一名物係Emack & Bolio’ s雪糕，在美國本土已有三十幾間分店，舊年打入泰國市場，旋風式有六間開業。香港古老英式糖果店Mr Simms老闆Raymond在泰國試食覺得大有作為，隨即傾加盟引入香港。香港的同泰國的有咩唔同，雪糕同樣是原裝美國空運到港，同樣有廿三款口味選擇，不同是泰國可以疊八個雪糕球，香港分店員自問未能掌握疊雪糕技巧，試過疊五層，但一出門口就跌，所以暫時最高三層，顧客拿住雪糕影完相即奉上紙杯，相機食先啫，唔係相機食晒囉！

美式雪糕重奶味重和Creamy，Emack & Bolio’ s勝在甜而不膩。既然得最多三層，口味梗係要嚴選，食均香港人氣熱選頭三位，頂層係Deep Purple Cow，牛奶香中帶黑莓的甜味，中層是Cake Batter，真係食到有蛋糕響入面；底層係Mud Pie，帶點像Flat White變雪糕的感覺。店員推介的朱古力脆米雪糕筒反而是甜味所在，煮溶棉花糖黐住朱古力脆米圍滿在威化筒邊，吃完真係有點罪疚感，但真係好好味！(雪糕單球 $43、兩球 $63、最高三球 $83，朱古力脆米signature cone $20 )

sugar cone (左)和紙杯一樣不用加錢，waffle cone(右)要加$10，真係香脆好多。

琳瑯滿目的signature cone 是焦點所在，因為每個都係人手做而且不能存放太久，製作需時又不能即叫即做，所以款式雖多但限量限產，今次來食不到人氣彩虹脆脆及超人氣脆米款嗎？今日的遺憾就是為了期待下次的來臨。

拍攝時才踏正12時，雖不致於排大隊，但客人絡繹不絕，大部分都是遊客和午飯的OL，所以都是選一球雪糕做飯後甜品。

店子不大，但亦貫徹Emack & Bolio’s總壇風格，紫色為主調放有復古點唱機，店內一角有張大梳化和長桌高櫈，讓大家可以輕輕鬆鬆吃雪糕。

Next Page>除咗雪糕之外，仲有…

怕太甜太漏，店員推介香桃雪糕奶昔，約兩球雪糕份量加入牛奶打成，桃味清香奶味濃，外賣一杯邊飲邊回office，甜蜜蜜的正能量！($62)

朱古力都是Emack & Bolio’ s的主打，近廿款的Handmade朱古力，與別不同之處是比一般手工朱古力大件，經常被人誤會是曲奇甚至是蛋糕，這就是美式風格罷！(以重量計$90/ 100g)，堂食的話不妨配一杯illy即磨咖啡，當下午茶也不錯！

話你知大概幾錢一件喇！如這件在美國及香港都是最受歡迎的Chocolate rice krispie Treats重55g，即是要$49.5。

Emack & Bolio’ s
地址：中環閣麟街 26 號
電話：2505 6626
營業時間：早上11時至晚上11時
延伸閱讀