紅磡小店新抵價 $88 食帶子龍蝦漢堡

Q: 有什麼餐廳適合慶祝生日或週年紀念？

香港其實有很多特色餐廳，即睇： 打卡餐廳Cafe推介 ／ 海景餐廳推介 ／ 香港酒吧高質推介 ，適合打卡，又是情侶拍拖、慶祝生日、紀念日，甚至閨蜜聚會的好去處！

Q: 有什麼拍拖好去處推介？

情侶約會可以去這 拍拖好去處 ，既玩味又能滿足女生愛打卡的要求。在特別日子到 影相好去處 拍照留念都是很好的選擇！另外也可到 Art Jamming 、 Tufting ，最後可以去 按摩店 放鬆身心。

Oct 15 2015

Text |Carriephoto |Clay Lam

自從連老麥都有自選食材漢堡開始，香港漢堡包界就百花齊放，長沙灣有$288成隻新鮮龍蝦塞入包配薯條，再抵食入場費都係$300。只係想試吓，又唔想使咁多錢有冇計？紅磡小店Seafood Stand，龍蝦帶子漢堡$88有交易，用半隻龍蝦及原粒帶子配芝士番茄加生菜，淋上龍蝦醬汁，嫌細份唔夠喉？叫埋焗最少有1.5磅嘅新鮮波士頓龍蝦都係$128，未必係絕頂美味，最少係貨真價實，抵食夾大件。溫提：尖東都有分店，地點雖就腳點，不過細好多，成日要等位。
Lobster Commander Burger $88
拉直隻龍蝦鉗肉有9cm長，仲有一樣長的龍蝦肉，煎香至剛熟保持肉汁，配原隻日本鮮帶子夾埋做漢堡，本身醬汁唔多，可以要求加多些，增加鮮味！店主本身做海鮮批發，保證新鮮之餘又降低成本，配埋沙律都係$88，算係Lobster Burger入門版。

原隻1.5磅烤焗波士頓龍蝦 $128/隻($68/半隻)
我知有中式酒樓可以做到$68一隻龍蝦仲包伊麵底，但你唔可以淨食隻龍蝦都出到門口，呢度你淨係叫隻龍蝦食都得，保證有1.5磅或以上原隻上，店員哥哥話有時來貨會大隻咗，因為賣出嚟係以隻計，所以有時會有2磅甚至2.5磅都係一樣價錢，好彩有隻大龍蝦就四個人share都得。建議選擇半隻蒜蓉半隻芝士白汁焗，一次過食兩種口味。

波士頓龍蝦湯 $36
拆晒啲肉鉗同厚肉位做漢堡，餐廳梗唔會浪費，用埋剩番嘅肉同殼整埋龍蝦湯，味道好香濃，龍蝦味重就唔使咁多忌廉，冇咁肥同時令龍蝦味更突出！

NextPage>>咁龍蝦以外有乜揀呢？

韓式辣牛漢堡 $66
用安格斯牛做漢堡扒，可以七成熟就上碟保留肉汁，配埋中辣韓式醬汁，泡菜揀莖位配大豆芽夠爽口，仲夾了好多韓式烤辣魷魚絲，嗜牛一族必試！

軟殼蟹漢堡 $78
日本有和洋合壁rice burger，香港也來個軟殼蟹加兩隻中蝦做漢堡，與女生手掌相若大的軟殼蟹越式酥炸後配多兩隻中蝦夾成包，初時以為會好唔夾，原來連埋包面的芝麻，軟殼蟹的酥香，真係幾好味！

NextPage>>
睇埋小食推介，嚟飲杯嘢嗰陣食最爽！

Cripy Prawn $36/4隻及Cheese Fingers$30/4條
平時唔會叫炸蝦，因為明知係炸粉多過蝦，呢度隻蝦又唔同睇法！呢度用粉紅中蝦，肉質沒虎紋蝦咁爽，但肉質更香更適合油炸，脆漿雖未薄到天婦羅咁，但咬開明顯是蝦肉佔三分二，蝦味十足！脆香芝士條用Mozzarella芝士蘸漿即叫即炸，咬開有「拉絲」效果，配手工啤酒一流。

好多女生嚟呢度鍾意坐門口位，望住街景傾吓偈，好有紐約街頭feel！

一班朋友嚟，坐入面容易傾偈好多，高桌拍埋可以坐六至八個人！

Seafood Stand
地址：紅磡必嘉街聯盛大廈鴻運閣地下13號店
電話：2968 0606
延伸閱讀