率先揀！網購台灣美食 福袋 免運費

農曆年前先去完台灣玩，依家已經掛住佢哋嘅美食，好可惜香港唔係周圍有得賣，網購又要運費，計落唔係咁划算！剛收到風向來好多得意嘢賣嘅Pinkoi網店響3月1日會搞「在地台灣味」福袋優惠，優惠之餘仲免運費，當中有幾個品牌如「海邊走走」和「琅茶」和「鴻豆王國」等，都是首次直送港澳，以往只在本土發售呢！連官網都未公開的內容，率先睇吓我哋嘅推介喇！

Text: Carrie

天皇米做的米芳「卦香」福袋($350.4)

米芳，香港人叫「米通」，四十年手做米芳同酥糖的經驗，以「天皇御用米」的台灣濁水米和頂級花生做米通，清香的米味令人真感受到呢種先應該叫「米通」！

福袋內容：原味爆米芳、五穀黑米芳、海苔花生酥糖、花生酥及芝麻酥各兩包(每包10件)

小草作有機香草冷泡飲 福袋 ($377.8)

其台北松山區的實體店一直人氣高企，成為人氣買手信熱點。佢哋以無噴灑農藥方式栽種香草，配食用級棉質茶包，讓香草茶帶給你一份完全大自然的樸實無華感。

福袋內容：輕保養香草冷泡飲 x 1 組（3 種口味共 20個茶包）、HERBAL WATER
（2種口味共 10個茶包)及 冷泡茶瓶

令你好快食晒的「很慢‧果醬」($262.9送木匙）

以時令鮮果用慢火細意烹調煮成果醬，聲稱100%無添加任何成分，雖然冇話你聽食無添加果醬會冇咁肥，問題係食好味點，無食毒素防腐劑落肚，咁先算係肥得有價值！

福袋內容：果醬 230g X 4 樽及原木匙 X 1 根
（任選 4 款：蘋果香橙、伯爵蘋果、宇治抹茶、綜合野莓、太妃焦糖、檸檬奶酪）
明星推介的「海邊走走」福袋($618.5)

得到香港的Wyman和葉佩雯，台灣的桂綸美、張宇和林心如等在ig推薦力撐，是信心保證，特厚的金黃色蛋卷裹着肉鬆，同時又能保持鬆香脆口，有四款口味都令人驚喜。雖然計落得95折，但免運費，起碼慳$90！

福袋內容：黃金肉鬆味x 2、海苔肉鬆味 x 2、花生愛餡 x2 及新鮮魚骨頭酥x4
Next> 包裝靚到咁，買咗都唔捨得飲喇！
40年前已風行日本的台灣茶包($359.1)
1929年的台北老店，由創立至今依然堅持只用台灣茶葉，更以手採手製茶菁，份外芳香清醇。難怪早在40幾年前已出口到日本，在東京大阪紅極一時。不得不提其包裝布，濃濃的東瀛味道，清雅流麗。
福袋內容：花開四季(半發酵)、蜜糖香紅茶(全發酵)、紅蜜香鳥龍(重發酵)及香檳妃子笑(半發酵)各一盒(10茶包裝)，並以不同款的花開富貴圖案花布包裝。

矜貴如藝術品的單品茶「琅茶」($370.5)
獲具有國際生活美學雜誌 Monocle選為2015二月號「最愛選物」，只因他們的茶師會因按季節走訪不同茶園，採茶葉做單品茶(Single Origin)，因為每年每季的茶葉都有變化，每瓶單品茶都有編號及詳載茶事，每季每款數量不多，售完即止，配埋「只是zishi」做的米白瓷杯，更顯矜貴。

福袋內容：阿里山奶萱茶葉x1、米白瓷杯x2、禮盒及賀卡
公平貿易台灣產咖啡包配酥餅 ($349.9)
台灣出產的咖啡別有一番風味，鴻豆王國的咖啡豆是100%的阿拉比卡豆，全都都是來自台灣雲林、古坑、草嶺石壁、南投霧社、高雄玉山等產區，一直支持小農在地取材，同時以公平貿易買農戶咖啡豆，健康有良心，配酥餅曲奇、窯燒杯做禮盒，送禮最得體。

福袋內容：台灣咖啡酥禮盒及堅果塔禮盒各一盒(每盒8件)、咖啡掛耳包10包(五款口味)及日本窯燒杯2隻
Pinkoi 在地台灣味 活動詳情
日期：2016 年 3 月 1 – 11 日

網址：www.pinkoi.com/event/taiwanfood（將於 2 月 24 日預覽；3 月 1 日正式開跑）

*所有價錢均已包運費

延伸閱讀：
▲ 台灣美食宅配抵港！

如欲率先接收資訊，請讚好我們的FB專頁並於「已讚好」選單設定「搶先看」，多謝支持。
More Facebook: https://www.facebook.com/morehk.hk