潮人火鍋多創意 湯底炸彈必要試！

天氣轉涼打邊爐，其實香港人食火鍋從來冇分季節，只係分好唔好味，有冇新意！踏入2016年的第一天，有間創意無限的火鍋店登場。尖沙嘴的「酒鍋」打破傳統打邊爐的框框，首先是塗鴉牆壁畫裝修及強勁音樂，另外湯底和食材也來過大革新，「揚名四海」和「酒火入鍋」湯底，就已叫人拍案叫絕。
用特別設計的四格鍋盤，分別放了「花雕醉雞鍋」、「藥膳花膠雞」至「四川麻辣鍋」、「清酒花甲椰子雞鍋」合體的火鍋就是「揚名四海」($248)，就算四個朋友，四個不同口味，都可以各得其所，自得其樂。

加多一個秘製木瓜盅就成為五合一的「酒火入鍋」($328)湯底，成就無限創意帶來非凡火鍋美食。

這裏更首創湯底炸彈 ，兩款分別是麻辣炸彈( $18) 及 清酒炸彈( $25)，隨時加入湯底內，氣氛和味道都無限升溫。

Next Page> 好多火鍋料都係全港首創，你冇理由唔想睇吓…全港首創冰淇淋豆腐($58)，共5款口味，包括有番茄、紅蘿蔔、南瓜、麻辣同香芋，軟滑如雪糕的質感，仲有不同味道，難以抗拒。

肉丸就食得多，加埋鮑魚用人手打成肉丸($88/4粒)的口感和味道大不同，貴就係貴啲，仍絕對值得一試。

本地手切牛肉(大 $298、小$238)夠膽叫招牌菜，店主一定確定到係優質貨源，肉味十足。

安格斯牛肉做火鍋料未必合適?其實睇你揀邊個部位喇！用頂級安格斯牛頸脊(大$238 /小$188) ，牛脂香肉味濃，幾唔錯噃！

Next Page> 知唔知點解呢間店要叫「酒鍋」呢…叫做「酒鍋」的原因他們與滋賀縣長濱巿的清酒酒造合作，推出自家品牌清酒，還有一系列陳年威士忌、從世界各地搜羅而來的冰凍啤酒、以及多款別具亞洲風味的雞尾酒等，為愛杯中物的帶來更多選擇。
飲啤酒有戰鬥碗，飲清酒亦要有戰鬥盒。

各款雞尾酒加入東南亞風味，換上別緻杯子盛載，得意別致。

「雙色湯鍋小籠包」，每隻小籠包注入了黑松露、蟹粉、墨汁湯、龍蝦湯及藥膳等，是打邊爐前的小食精選。

多朋友來的話，叫客龍蝦刺身佐酒最開心。

邀請香港當代城巿藝術家Ben Pickering提筆，以求呈現獨特的亞洲文化。畫中的亞洲年輕女郎代表了香港活力的都會感，同時亦添上一點日本風情而成為「海之女神」。

酒鍋
地址：九龍尖沙嘴天文台道8號2樓1號店
電話：2321-9038
電郵：[email protected]

延伸閱讀：
▲新登場！ 型食英倫韓菜 飲燒酒COCKTAIL

http://goo.gl/UU5CpI

▲傳統法國冬日菜 節日添暖意

http://goo.gl/Pz1o7W

如欲率先接收資訊，請讚好我們的FB專頁並於「已讚好」選單設定「搶先看」，多謝支持。