【清潔洗衣機】內裡其實原來生晒鏽！洗衣機清潔劑實測+比併 去污力最強是‥‥

撰文：Carmen｜編輯：Kelchan、Cyan｜原文刊於《新假期》｜ 圖片來源：《LDK》、Amazon JP

日本洗衣機槽清潔劑測試

洗衣機槽清潔劑的基本分別

洗衣機槽清潔劑分為酸素系＆鹽素系2種。鹽素系具有溶解污漬嘅強效洗淨效果，但同時帶有強烈味道；酸素系以鹼嘅力量及泡沫，將污漬分離，酸素系產品並冇味道。

評價方法

Check 1：去污力

Check 2：氣味 ※以產品本身散發的氣味進行評價

Check 3：CP值

雜誌測試排名

第6名：SHABONDAMA SOAP 洗衣機槽清潔劑 500g

種類：酸素系

售價：396円

去污力：✩✩✩✩ ｜ 氣味：✭✭✭✩ ｜ CP值：✭✭✩✩

評價：積聚3年嘅頑固污漬幾乎冇洗走，喺洗衣機槽上方嘅污漬，無論是顏色還是形狀都冇變化，效果令人失望。

かおり☺︎（@rinrin_._._home）分享的貼文 於 PDT 2018 年 4月 月 26 日 下午 5:05 張貼

第5名：LEC 激落 洗衣機槽清潔劑

種類：酸素系

售價：284円

去污力：✭✭✩✩ ｜ 氣味：✭✭✭✩ ｜ CP值：✭✭✩✩

評價：雖然有一定洗淨效果，但喺機上嘅頑固污漬洗唔走。有部分洗後睇唔到變化，去污力一般。

茂木和哉（@motegikazuya）分享的貼文 於 PST 2017 年 12月 月 12 日 下午 3:45 張貼

第4名：Johnson 洗衣機槽霉菌killer

種類：鹽素系

售價：328円

去污力：✭✭✭✩ ｜ 氣味：✭✭✩✩ ｜ CP值：✭✭✩✩

評價：雖然可以洗走啡色污漬，但整體上仍然有白色污漬層殘留，所以無法獲得高評價。

®️i.（@riiii_1100）分享的貼文 於 PDT 2018 年 5月 月 15 日 上午 4:23 張貼

第3名：P＆G Ariel 洗衣機槽清潔劑 250g

種類：酸素系

售價：198円

去污力：✭✭✭✩ ｜ 氣味：✭✭✭✩ ｜ CP值：✭✭✭✩

評價：能去除大部分啡色污漬，酸素系產品中最能夠去污嘅產品。如果對鹽素系嘅氣味非常抗拒嘅，可以選擇呢款產品。

とも_暮らしの記録.｡.:*（@tomo_home5063）分享的貼文 於 PST 2018 年 1月 月 2 日 下午 5:10 張貼

第2名：DAISO（Gel Corporation） 液體洗衣機槽清潔劑

種類：鹽素系

售價：108円

去污力：✭✭✭✩ ｜ 氣味：✭✭✩✩ ｜ CP值：✭✭✭✭

評價：連機槽底嘅霉漬都洗得走，將被啡色污漬包圍嘅機槽重現銀光！雖然有氣味，但CP值爆分，值得一試！

第1名：日立 洗衣機槽清潔劑 SK-1 1,500ml

種類：鹽素系

售價：1,652円

去污力：✭✭✭✭ ｜ 氣味：✭✭✩✩ ｜ CP值：✭✭✩✩

評價：連積咗10年嘅污漬都能夠洗走一大半！機槽底啡色嘅頑固污漬都洗番白，有咁強勁嘅實力，就算千幾円都買得過。

關於洗衣機的煩惱Q＆A

Q1：如想保持洗衣機嘅好狀態，平日可以點做？

A：只需將洗衣機蓋打開，就可以有效預防霉菌，同時對保持洗衣機槽嘅清潔好有效。重點係唔可以令空氣停留在機槽內！

たんぷ〜（@tanpuuuu）分享的貼文 於 PDT 2018 年 5月 月 18 日 下午 5:57 張貼

Q2：洗劑口周圍滑潺潺好污糟！

A：將洗劑同熱水一齊倒入！洗劑口滑潺潺可能係洗劑凝固後形成嘅，將熱水同洗劑一齊倒入，就可以解決滑潺潺嘅問題。