棉花糖遇上壽喜燒 新潟雪國聖誕餐

Text |Carrie

又到聖誕！望下個手機，十號打後日日都有人約食飯，總唔可以日日都係火雞同buffet，大開食戒都想有新意，咁「增肥」先叫做有意義。鍾情日本菜可以考慮吓呢個以日本新潟縣冬季雪國概念設計嘅期間限定聖誕餐。以如積雪般的綿花糖配雪國新潟雪見黑毛和牛壽喜燒，另外新潟蕃薯堆成的黃金聖誕樹亦充滿節日氣氛，加上紅噹噹的大海老、村上產三文魚籽和三文魚等當造食材，日本人的聖誕節沒傳統美食，但新年就會吃壽喜燒，好意頭暖笠笠，最有氣氛。

前菜拼盤：蕃薯蓉聖誕樹是新潟市沙漠地區栽種的新品種蕃薯，口感較一般蕃薯濕潤，甜度高。海膽剌身配魚子醬大頭菜奶白凍，靈感源自法式甜點blanc-manger，牛奶忌廉超香入口即溶，口感幼滑帶不同層次。紅楚蟹凍是以蟹醋造的啫喱盛上煮熟的紅楚蟹，蟹醋的提鮮令人更回味。新潟野菜凍啫喱採用多種當地野菜，賣相精緻，手機食先。

是日鮮魚拼盤：新潟縣刺身3種、生蠔及是日壽司一件及海老日本酒牛油燒，牛油不搶蝦鮮味，反而這份油脂令蝦肉更細滑。

雪國新潟雪見黑毛和牛壽喜燒：棉花糖像座小雪山，用來代替一般壽喜燒調味的白雙糖。開火後在棉花糖表面盛上雪花分佈均勻的黑毛和牛，鍋的熱力令綿花糖逐漸溶化，至完全融入醬汁中釋放出甜味，引出肉香，肥美的黑毛和牛吸飽湯汁的鮮甜，再輕沾蛋漿，肉質更滑。新鮮野菜充份吸滿湯汁精華，入味非常。配埋新潟村上產三文魚籽及三文魚釜炊土鍋飯及手工雪糕，就是食咗當去咗的最好方法。

海老の髭 期間限定聖誕餐

供應日期：即日至12月31日

收費：每位$680，配四款新潟清酒每位$1,030

地址：銅鑼灣霎東街15號OLIV 12樓

訂座電話：2155 4186

延伸閱讀

▲氣溫驟降 食日本萬古燒乾蒸鍋

http://goo.gl/aUcjix

▲新登場！冬日必吃滋補南洋菜

HTTP://GOO.GL/QKP3QW

如欲率先接收資訊，請讚好我們的FB專頁並於「已讚好」選單設定「搶先看」，多謝支持。