旺角食街 九大最受歡迎精品小食
Text |Carrie
Photo |Alison and CCWun
去旺角掃街，仲停留響食魚蛋、臭豆腐炸皮蛋，根本係浪費卡路里quota，有賣相有滋味嘅精品小食先係旺角食街(廣華街同登打士街)主打，最新推介有全城熱話芝士撻，舊瓶新酒粒粒雪糕，豬扒包雞蛋仔，仲有Rainbow ice-cream加大隻仔做雪糕三文治，旺角掃街都要時尚行先！
01 「入藉」韓國大回歸 Mini Melts 彩虹粒粒雪糕 $35
唔到我唔認老餅，我記得粒粒雪糕呢樣嘢係大約十年響香港出現，當時佢係「美藉日裔」嘅，仲有部自助售賣機，可以係隨時行過十元八塊買杯走的甜蜜蜜之選。今日Mini Melts「入藉」韓國回歸進駐香港，味道選擇少咗，不過味道依然，懷舊又好，當新嘢又好喇！
02Candy Shake旺角版芝士撻 流心香滑 $18
仲有朋友話排個幾鐘為買Bake芝士撻，話食上癮唔食唔安樂，出名分子雪糕嘅旺角Candy Shake照辦煮碗整咗個陀地版芝士撻，行過門口已聞到芝士香，好彩唔算排長龍，星期五都係排五分鐘，$18價錢唔算特別平，不過質素係好高，流心好香溝外面微焦香脆，當佢係芝士撻旺角分店，多個選擇囉！
NextPage>>Rainbow ice-cream，相機食先是常識吧！
04相機一定先食Check in Tokyo彩虹軟雪糕 $50
曾經去過一些雪糕店，揀四隻唔同色嘅雪糕都係一樣味，今次見到呢杯彩虹軟雪糕已打定輸數，店員本推介最新推出嘅Tokyo Koala!，睇相見到只係加兩塊餅同三粒朱古力，堅唔算吸引，還原基本步食皇牌Rainbow ice-cream配唔係成日番貨嘅黑甜筒。首先，半呎高嘅賣相就已經係selfie最佳道具，四層雪糕有藍莓、草莓、綠茶同牛奶味全部都係食得出嘅，特別香脆嘅黑威化筒，好夾！溫提：雪糕好易溶，影相同食都要快，我哋影咗一分鐘唔夠已開始溶，即刻食已經溶到成手都係了！
05雞蛋仔豬扒包Eat with Me $100(包藍莓乳酪奶昔)
當雞蛋仔同豬扒包已經萬變不離其中，有人想到將佢哋合二為一，粉漿唔落糖令雞蛋仔冇甜味，配煎到皮香肉juicy嘅豬扒夾住，夠未？不如加埋隻荷包蛋，配埋杯乳酪味香濃嘅藍莓奶昔，我覺得係香港情懷all day breakfast。
06同場加映：Pretty woman雪糕雞蛋仔 $48
店員話意想不到呢個係男生必選的款式，男生feedback話鍾意佢哋隻雪糕奶味唔高反而突出士多啤梨味，同埋雞蛋仔又夠脆，支唇膏形糖霜曲奇都好好食！
Eat with me
NextPage>>冰火雪糕菠蘿包，仲有萬聖節feel，要睇喇啩！07Shacks冰火香桃威士忌雪糕菠蘿包 $48
係人都知呢間係大隻仔溫家偉開嘅雪糕店，不過冇諗過落嚟三次有兩次都見到佢，我哋卧底身份刁難佢都仲超好招呼，試咗好多隻味雪糕，佢推介我哋用香桃威士忌雪糕配迷你菠蘿包，加埋彩色粒粒toppings，雪糕酒味唔算太勁搶走蜜桃味，菠蘿包烘熱先夾雪糕令雪糕微溶，大隻仔叫我哋記得夾實迫走啲空氣大啖咬落去先正，雖然我唔知咁食有乜分別，不過又影相又傾偈，親民都搭夠喇！
08同場加映：萬聖節之選 單眼仔薄荷雪糕菠蘿包 $48
十月萬聖節，點可以唔搵啲鬼怪款贈興，新推出一星期的薄荷味雪糕略嫌不夠薄荷味，不過配粒朱古力單眼賣相就贏咗喇！
Stacks ice-cream
旺角廣華街3號百利達廣場11號店
Next Page> 韓國小店嘅＿ ＿ ＿ ＿解渴好得
09Bbokki韓國密實三色沙冰 幾時飲都方便 $25
有冇覺得成日買杯嘢飲唔晒唔知點算，不如試吓響呢間韓國小店嘅三色沙冰，特別設計用密實袋裝住，飲唔晒可以封番口，賣相勁討好但味道略甜，唔好期望飲得三隻味，話咁快已經溶成一體，變咗做雜果冰，趁凍飲解渴好得！
Bbokki
延伸閱讀
▲掃葵涌廣場13必食 超靚「生日蛋糕」雪條
http://goo.gl/xnlRQx
▲食咗當去咗 BALI 周末香檳BRUNCH
HTTP://GOO.GL/01JYT4
如欲率先接收資訊，請讚好我們的FB專頁並於「已讚好」選單設定「搶先看」，多謝支持。
More Facebook :https://www.facebook.com/morehk.hk
有什麼餐廳適合慶祝生日或週年紀念？
香港其實有很多特色餐廳，即睇：打卡餐廳Cafe推介／海景餐廳推介／香港酒吧高質推介，適合打卡，又是情侶拍拖、慶祝生日、紀念日，甚至閨蜜聚會的好去處！
有什麼拍拖好去處推介？
情侶約會可以去這拍拖好去處，既玩味又能滿足女生愛打卡的要求。在特別日子到影相好去處拍照留念都是很好的選擇！另外也可到Art Jamming、Tufting，最後可以去按摩店放鬆身心。
