日本90後最愛！ 14件 MUJI 無印良品 必買家品+文具
最近新開的港鐵站 MUJI to GO，唔知大家去咗朝聖未？ MUJI 無印良品 ，代表著文青和生活態度，產品一向都好高質素！最近日本有位專門撰寫輕便用品提案的90後青少年，選出了14件受歡迎的必備 MUJI 家品，設計簡單，非常易用，你屋企又有無以下必買品呢～
家品篇
Source：新假期
家品篇
MUJI 無印良品 就是要令生活中任何一樣物件都帶有生活態度。想提高自己屋企的時尚感，以下家品話唔定幫到你！
牙刷架
要有生活態度，牙刷都唔例外！牙刷放於牙刷架上，即時連屋企廁所都充滿態度。
替換瓶
替換瓶是 MUJI 其中之一的長青產品，250至600毫升的容量都有，方便日常生活，最重要是用替換瓶可以減少用其他包裝，為環保出一分力！
便攜式鋁質晾衣架 HANGER
衣架可以摺疊，方便攜帶，帶到邊用到邊都得！特別適合去旅行時用。
無印新開的 MUJI TO GO有售，$45一個。
吸水抹布
雖然外表同普通毛巾無唔同，但 MUJI 的抹布有細心的分三隻顏色，紅色抹餐具，藍色抹餐桌，白色可以抹其他家具～
海綿＋托盤
MUJI 的產品除了sell設計，當然都sell產品的用途，絕對唔會有華而不實的產品！而此海綿亦非普通海綿，有日本90後話海綿唔會發霉，亦非常容易清洗。海綿仲有托盤，整齊得嚟又整潔。
不銹鋼掛夾
早前日本的綜藝電視節目「ヒルナンデス」都推介過不銹鋼掛夾，原來連日本90後都話好用！
文具篇
MUJI 無印良品 的文具一向深受文青歡迎，一齊睇下日本的90後推薦咩 MUJI 文具。
文件座
簡約的文件座可以方便自己執整齊張工作枱，仲帶點生活品味！除了透明版，仲有木製，同樣有文青感覺～
便攜式釘書機
普通的釘書機比較大舊，又成日打開個口，入面嘅釘隨時釘到自己。而細心的 MUJI 就有便攜式釘書機，型得嚟又名晒實用。
不銹鋼筆架
無論是間尺定筆盒， MUJI 的不銹鋼產品俾人有型嘅感覺，日本 MUJI 仲有不銹鋼筆架，連夾支筆都型過人啊～
陶瓷專用畫筆
90後創意豐富，畫筆可以將陶瓷用品變成畫紙，邊到畫都得！
生活篇
除了家品同文具，MUJI 其他生活用品都唔錯，亦都好高質，日本的90後就特別推薦以下幾項。
多肉植物
近年好興養下多肉植物，細細盤又易打理，放在枱上仲可以裝飾，日本MUJI 都有出售多肉植物，香港就可能要等等啦。
有機外套
MUJI 的外套由有機棉同羊毛製成，厚度啱啱好，男女都著得。
布袋
MUJI 的布袋是必備產品，就咁用又得，於袋上畫下公仔亦得，日本90後誠意推介～
遮架
此遮架不同彼遮架，此遮架方便在於有專門放縮骨遮的掛鈎，咁就唔怕縮骨遮無位放！
有什麼餐廳適合慶祝生日或週年紀念？
香港其實有很多特色餐廳，即睇：打卡餐廳Cafe推介／海景餐廳推介／香港酒吧高質推介，適合打卡，又是情侶拍拖、慶祝生日、紀念日，甚至閨蜜聚會的好去處！
有什麼拍拖好去處推介？
情侶約會可以去這拍拖好去處，既玩味又能滿足女生愛打卡的要求。在特別日子到影相好去處拍照留念都是很好的選擇！另外也可到Art Jamming、Tufting，最後可以去按摩店放鬆身心。
