撰文：Carmen｜圖片來源：Yahoo! news JAPAN、網絡 |編輯：venus.y |原文：gotrip

日本食品安全委員會：樽裝飲品日勿貼嘴飲！嚴重可致骨折

樽裝飲品貼嘴飲有幾危險？

日本內閣府，食品安全委員會嘅資料（2017年5月）指出：「不推薦再飲用曾經貼嘴飲過嘅樽裝飲品。」貼下嘴唇啫，有冇咁嚴重？！

食品安全委員會解釋，樽裝飲品一旦開封，樽內細菌就會開始繁殖。為了防止飲大量細菌落肚，盡量一次過飲了成支，如果一定要分開幾次飲用，最好倒在杯度飲。不過不止貼嘴飲的時候，其實倒落杯飲，再扭番個蓋，都會有細菌走入飲品中。

福岡市保健環境研究所嘅實驗報告指，曾貼嘴飲過嘅樽裝麥茶中的細菌，在常溫環境下增加咗100倍以上！報告更指出，喺氣溫30℃左右的狀態下，細菌更容易繁殖，夏季必須更加小心注意。

微生物會令樽身爆炸

除咗衛生層面的問題，由口進入到飲品中嘅微生物，更曾有令膠樽破損的事例。

由於微生物（特別係酵母）增加，二酸化碳素令樽內壓力上升，而有機會令樽身「炸開」！

日本國民生活中心就曾經收到過，因為膠樽樽身破裂而導致骨折及眼睛受損的事例。

一個年約80歲的女性，飲剩半支有汽飲品，扭上蓋後在常溫狀態下放置了近一個月，然後膠樽突然「炸開」。先撞到左手手肘，然後直衝上天花板，再插進身體。最後因複雜性骨折同割傷，需入院做手術。

另一個十幾歲的女性，貼嘴飲用500ml膠樽裝運動飲品後，扭上蓋途中，樽蓋突然飛脫撞上眼，導致視力受損。

即使只是放置兩、三日，都有不少同類事故。而且更有機會引起食物中毒，發生類似意外都不是沒可能的事！以後飲樽裝飲品記得盡快飲完，盡可能離口飲用！