高級水果店「銀座千疋屋」買手教你揀士多啤梨！點保存最好？
又踏入士多啤梨季節，果欄及日式超市都放滿不同品種及產地的日本士多啤梨，究竟好食的士多啤梨有無樣睇呢？日本電視節目《相葉マナブ》請來了超高級的水果老店「銀座千疋屋」的買手來教大家揀士多啤梨，以及保存士多啤梨的方法，快啲偷師先！
Text : 主場・日本 | Photo : 電視截圖 | Source : 新假期
高級水果店「銀座千疋屋」買手教你揀士多啤梨
睇士多啤梨蒂就知水分夠唔夠
大家估下，兩粒士多啤梨之中，邊粒好食啲？A or B？睇賣相，兩者其實分別不大。
兩者最大的分別是，A的蒂是向上，B則是向下的。
答案是A。士多啤梨蒂向上的，最比較好味！美味的士多啤梨，就連蒂都可以儲到水分，所以蒂會「向上」！
「脹爆」士多啤梨特別甜?!
大家又估下，兩粒士多啤梨之中，邊粒甜啲？A or B？A是一般常見「面尖尖」的士多啤梨，B是底部有多個「下巴」的。
正確答案是B，「脹爆」士多啤梨。士多啤梨是由底部開始熟，亦是由底部開始慢慢變紅色，所以「士多啤梨尖」養分最多又最甜。
底部有多個「下巴」的士多啤梨，代表養分「多到爆炸」，即是非常甜！
士多啤梨不應放雪櫃
雖然，香港人都喜歡將水果放在雪櫃內保存，又或是喜歡將水果雪凍才吃，但原來，士多啤梨是不應直接放在雪櫃內的。因為皮薄，太凍的話很易冷傷。
最好的保存方法，是用報紙包好，再放入雪櫃的蔬菜格內。
有什麼餐廳適合慶祝生日或週年紀念？
香港其實有很多特色餐廳，即睇：打卡餐廳Cafe推介／海景餐廳推介／香港酒吧高質推介，適合打卡，又是情侶拍拖、慶祝生日、紀念日，甚至閨蜜聚會的好去處！
有什麼拍拖好去處推介？
情侶約會可以去這拍拖好去處，既玩味又能滿足女生愛打卡的要求。在特別日子到影相好去處拍照留念都是很好的選擇！另外也可到Art Jamming、Tufting，最後可以去按摩店放鬆身心。
