幫你試！五大特色「餡料」雞蛋仔

Edit｜ Candy Choy

Source｜新假期 – 飲食

雞蛋仔係香港特色兼超經典街頭小食，由細細個食小販檔的炭爐雞蛋仔到而家雞蛋仔一個二個都入晒地鋪，雞蛋仔依然在大人小朋友之間非常受歡迎。正所謂光陰似箭、時移世易，雞蛋仔已經有千變萬化的口味，於是記者做了個小小搜查，喺港九新界搵出5大「零舍不同」特色雞蛋仔，咁去到邊都可以試新口味啦！

1. 芝士夾心雞蛋仔

這家位於觀塘的店以首創加料雞蛋仔為名。既然係始祖，就當然要試試佢！這款芝士夾心的雞蛋仔用平時在超市可以買到的片裝芝士做餡，認真揼本！不過得一片芝士放到正中央，周圍的雞蛋仔都無芝士，就與普通雞蛋仔無異。而且芝士味不重，只吃到雞蛋仔的蛋漿味。

中間嘅雞蛋仔充滿芝士。（圖片來源：kyhunger)

芝士多到流出來。（圖片來源：Hahamanyu)

雖然中間有芝士，不過就唔係粒粒都有啦。

恆發芝心夾心雞蛋仔＄17/底

餡料：★★★
香脆度：★★★★
創意度：★★★
推薦度：★★★
評分：很鬆脆，亦很外脆內軟，不過芝士不足，如果是原味應該就好好食。

恆發雞蛋仔
地址：觀塘協和街177號地下（顯示地圖）

2. 九龍區代表：抹茶紅豆雞蛋仔

這款季節限定的抹茶紅豆雞蛋仔是最新推出的口味。這款雞蛋仔飄著淡淡的抹茶味，鬆脆的外殻包裹著中間的紅豆，雞蛋仔的強漿味又不會被抹茶掩蓋過。80後老闆阿銓對雞蛋仔的要求甚高，強調雞蛋仔要做到外脆內軟才算是合格的雞蛋仔。而抹茶的比例阿銓是研究過良久才推出市面，才做得到淡淡的抹茶味而又沒有抹茶的苦澀味這個效果！

抹茶紅豆雞蛋仔$19/底

粒粒雞蛋仔都有紅豆做餡，好真材實料啊！

餡料：★★★★★
香脆度：★★★
創意度：★★★★
推薦度：★★★★★
評語：與雞蛋仔原先的味道好夾，而且味道淡淡的，食完不會覺得很「膩」。

3. 榛子朱古力雞蛋仔

榛子朱古力雞蛋仔。食落真係有天神的味道，如果係金莎的瘋狂粉絲就一定係必食啦！同抹茶紅豆一樣，每粒雞蛋仔都有一粒朱古力做餡，而榛子則混在蛋漿裡，甚有咬口。而準備榛子的步驟也頗多的，心思一流。不過我就覺得榛子味太濃，蓋過咗雞蛋仔原先的味道，食落去似食緊金莎多過食雞蛋仔。

榛子碎混在蛋漿裡，咬緊雞蛋仔同時又咬到榛子碎。

榛子朱古力雞蛋仔$19/底

朱古力在半溶狀態，而且朱古力味濃郁。

餡料：★★★★★
香脆度：★★★
創意度：★★★
推薦度：★★★★
評分：加分位在於細心，榛子的準備功夫多，榛子朱古力味太濃，蓋過了雞蛋仔味，是唯一減分位。

乜嘜雞蛋仔
地址：佐敦渡船街38號建邦商業大廈6號舖（顯示地圖）
電話：35639513
營養時間：周一至周日 12nn-9pm

4. 港島區代表：臘腸雞蛋仔

亦是期間限定的雞蛋仔。聽落好似好奇怪好唔夾，但原來出來的效果卻意外地配搭！先有一陣雞蛋仔的蛋味，一會兒後臘腸味溢出，非常有層次！

臘腸雞蛋仔$22/底
圖片來源：Instagram – waiwai1128

餡料：★★★★★
香脆度：★★★★
創意度：★★★★★
推薦度：★★★★★
評分：創意爆燈之作！以為九唔搭八但食落層次卻很豐富，推介！

Oddies
地址：灣仔灣仔道149號1F地鋪（顯示地圖）
電話：9155 5185
營業時間：周二至周日: 13:00-22:00

5. 新界區代表：蜜糖星星雞蛋仔

記者食蜜糖星星食大的，對蜜糖星星有一份童年的情意結。這個蜜糖星星賣相美觀，每粒雞蛋仔都有一粒蜜糖星星露出來，有月亮、有星星，真係超靚！食落去甜甜地咸咸地，雖然沒什麼驚喜，但都是不錯的選擇！

圖片來源：Instagram – Instahkfoodie

餡料：★★★★★
香脆度：★★★
創意度：★★★★★
推薦度：★★★★
評分：粒粒蜜糖星星，女孩子應該會看得心花怒放，美就是一切！加分！

Eggspectation
地址：荃灣怡康街1- 7號海濱花園A平台129A1舖（顯示地圖）
電話：63908627
營養時間：周一至五 11am-10pm；周六及日 10am-10pm