必備 二合一 法寶！做個「正直」OL！

Text：Zoe Presented by：法國特福

揀熨斗都要最潮！法國特福 二合一 蒸熨易

就算你家中有「姐姐」、媽咪幫手都好，正所謂「工欲善其事，必先利其器」，揀一個多功能兼高效好用嘅熨斗，就好似揀到一個好老公咁緊要，優點多多就固然重要，外形夠trendy就更賞心悅目！小編就揀法國特福 2合1蒸熨易，佢有5大優點，絕對係熨斗界「筍盤」！

優點1：蒸熨2合1

傳統熨斗熨長褲效果較理想，但要熨不規則嘅衣袖、衫身，就當然掛熨更易控制。如果一機可以結合兩種熨衫工具功能，咁就最好了。法國特福「2合1蒸熨易」就一機結合兩種工具嘅卓越效能，既擁有傳統熨斗嘅優良底板，又配備掛熨機獨有嘅輕盈方便，就可以因應需要選擇平熨或掛熨，一機兩用 二合一 功能，方便經濟又慳位。

優點2：擁多種熨衫技術

除了多功能，佢仲好有「內涵」。「2合1蒸熨易」配備OptiSteam蒸氣技術，能提供持續強效而集中嘅蒸氣，加上結合5巴壓力，穿透布料去除頑固縐褶，配合精確尖端設計嘅陶瓷底板，熨衣表現媲美傳統熨斗，方便熨平難熨位置，如衣鈕周圍等。

其特大防鈣芯，去水垢表現更持久，仲有400毫升特大可拆式水箱，足夠連續使用達60分鐘，熨晒成屋衫都OK呀！佢仲有待機模式，當靜止8分鐘就會自動進入待機狀態，防止過熱，夠晒安全。

優點3：抗敏滅蟎！熨枕頭都得！

最近日本吸蟎機大熱，間屋已經夠細，仲要買到成屋小電器，實在無位！「2合1蒸熨易」就有效殺滅塵蟎，減低敏感機會，仲可以幫你清潔平日難以打理家品，如窗簾、梳化、咕𠱸、毛公仔等，去菌除臭，就連平日同肌膚有親密接觸嘅枕頭都幫你熨得乾乾淨淨，皮膚都好啲呀！咁以後打理家居就更easy！

優點4：方便易用

小編每次熨衫都要先開板，再裝機，浪費不少時間。「2合1蒸熨易」就將熨衫程序簡化，不必開熨衣板或組裝任何機身，開機後40秒就用得，而且噴氣手柄比標準熨斗輕接近2倍，更易於衣物上游走，咁就可以喺出門前為衣物快速修熨。

優點5：纖巧易收藏

香港地寸金尺土，每買一樣家電，除了注重功能，當然要求小巧慳位。「2合1蒸熨易」比起一般掛熨機，佔用地方更少，更易收藏，收入衣櫃內絕無難度。